ವರ್ಗ: ಹನಿಗವನ

ಎಲ್ಲರಂತಲ್ಲ ಈ ನಮ್ಮ ದುರ್ಬುದ್ದಿ ಜೀವಿ ಇವನ ರೀತಿ ವೈಶಿಷ್ಟ್ಯಮಯ: ಬಯಸುತ್ತಾನೆ ಈಜಲು ನೀರಿಲ್ಲದ ಬಾವಿ, ಸಂಜೆ ಆಗುಂಬೆಯಲಿ ಸೂರ್ಯೋದಯ. *****

ಸ್ವಂತ ಮನೆಯಲಿ ಸ್ಟೇಯಿನ್‌ಲೆಸ್ ಸ್ಟೀಲಿನ ಪಾತ್ರೆಯ ಬಳಸುತ ಮನಸಾರ, ಪರರಿಗೆ ಮಡಕೆಯ ಮಹಿಮೆಯ ದಿನವೂ ಬೋಧಿಸುತಿರುವನು ಕುಂಬಾರ. *****

“ನಾನು ನನ್ನದು ಅನ್ನುವುದು ಅಹಂಕಾರ” ಅಂದ ಹಿರಿಯರ ವಾಕ್ಯವ ನನ್ನಿ_ ಎನ್ನುತ ನಂಬಿ ಕರೆಯೋಲೆ ಕಳಿಸಿದ: “ನನ್ನ ಹೆಂಡತಿ ಮದುವೆಗೆ ಬನ್ನಿ” *****

ಸಂತೆ ಹೊತ್ತಿಗೆ ಮೂರು ಮೊಳ ನೇಯುವ ಲೇಖಕನ ಕೃತಿ `ಹೊತ್ತಿಗೆ?’ *****

ಅನಾಮಧೇಯ ರಾಗಿ ಅಳಿಯುತ್ತಾರೆ ಅನಾಮಧ್ಯೇಯರು. *****

ನಮ್ಮ ನೇಷನ್ ಗೆ ಹತ್ತಿರುವ ಮಹಾ ಪಿಡುಗು ಡೊ ನೇಷನ್. *****

ಕಲಿಸಲು ತೊಡಗುವವರು ನ ಕಲಿಸಲು ಕಲಿಸಬಾರದು. *****

ಬುದ್ಧಿವಂತ ಅನ್ನಿಸಿಕೊಳ್ಳಬೇಕು, ಅಂದುಕೊಳ್ಳಬಾರದು. *****

ಚೆನ್ನಾಗಿತ್ತೆ? ರಂಗೋಲಿ; ಇಲ್ಲವೆ? ರಾಂಗೋಲಿ *****

ನೇಚರ್ ಇನ್ ಮಿನಿ ಯೇಚರ್ *****