ರಾಗ — ಆನಂದಭೈರವಿ
ತಾಳ — ಅಟ್ಟ
ಮುಟ್ಟದಿರೋ ಎನ್ನನು – ರಂಗಯ್ಯ |
ಮುಟ್ಟದಿರೋ ಎನ್ನನು ||ಪ||
ಮುಟ್ಟದಿರೊ ಎನ್ನ ಮುಂಗೈಯ ಸೆಳವಿಗೆ |
ಮುತ್ತೆಲ್ಲ ಸಡಲುವವೊ – ಏ ಮುದ್ದುರಂಗ ||ಅ.ಪ.||
ಹೊಳೆಯ ಒರತೆಯಲಿ ಮಳಲು ಚೆಲ್ಲಿದಂತೆ |
ಕೆಳದಿಯರ ಕೂಡಾಡಿ ಕಲಿತೆಯೊ ಬೆಡಗ ||
ಬಲು ತುಡುಗ… ಬಲು ತುಡುಗ –
ಬಿಡು ಎನ್ನ ಸೆರಗ ||೧||
ಅತ್ತ ಒಬ್ಬಳ ಕೂಡ ಆಡಿಬರುವುದ ಕಂಡೆ |
ಸತ್ಯವ ಮಾಡದಿರೊ – ಏ ಸರನಂಟ ||
ನೂರೆಂಟ……… ನೂರೆಂಟ –
ಬಿಡು ಎನ್ನ ಗಂಟ ||೨||
ಅಂಗೈಯ ಒಳಗಿನ ಅನುವಾದ ಪಾಯಸ |
ಮುಂಗೈಯಿನ ಮೇಲಿನ ಕಂಡ ಕಲೆಯ ||
ಕಾಗಿನೆಲೆಯ……… ಕಾಗಿನೆಲೆಯ –
ಕನಕಯ್ಯನಿಗೊಲೆಯ ||೩||
*****