ಮೋಡ

“ನಾನು ನನ್ನದು ಅನ್ನುವುದು ಅಹಂಕಾರ” ಅಂದ ಹಿರಿಯರ ವಾಕ್ಯವ ನನ್ನಿ_ ಎನ್ನುತ ನಂಬಿ ಕರೆಯೋಲೆ ಕಳಿಸಿದ: “ನನ್ನ ಹೆಂಡತಿ ಮದುವೆಗೆ ಬನ್ನಿ” *****

ಅಮೇರಿಕದ ಸೀಡರ್‌ ಫಾಲ್ಸ್‌ನಲ್ಲಿ ತಂಗಿದ್ದಾಗ ವಿಚಾರಿಸಿದೆ ನೆರೆಮನೆಯ ಬಿಳಿ ಹೆಣ್ಣನ್ನ, “ನಿಮಗೆ ಎಷ್ಟು ಜನ ಮಕ್ಕಳು ಸಿಸ್ಟರ್?” ಉತ್ತರಿಸಿದಳು ಹೊರಳಿಸುತ್ತ ಚೆಲು ನೀಲಿಗಣ್ಣನ್ನ: “ನನಗೆರಡು, ನನ್ನ ಗಂಡನಿಗೆರಡು, ಸದ್ಯಕ್ಕೆ ನಮ್ಮಿಬ್ಬರಿಗೆ ಒಂದು ಮಿಸ್ಟರ್!” *****

ಯಾರಿಗಿತ್ತು ಧೈರ್‍ಯ ಆಗ ಹೇಳಲೆಮ್ಮ ಖಾಜಿಗೆ? ಎಲ್ಲ ಅರಿತ ಧರ್‍ಮದರ್‍ಶಿ! ಹೋಗಲುಂಟೆ ಗೋಜಿಗೆ? ಇದ್ದುದೆಲ್ಲವನ್ನು ಚೆಲ್ಲಿ ಹೆಣ್ಣ ಮೈಯ್ಯ ಮೋಜಿಗೆ, ಹಾಗೇ ಕುದುರೆ ಜೂಜಿಗೆ, ಕೊನೆಗೆ ಹಳೆಯ ಮನೆಯು ಕೂಡ ಬಂದಿತೋ ಹರಾಜಿಗೆ ಕಂಡ […]