ಅನ್ವರ್‍ಥ

Posted on by ಜಯಂತ ಕಾಯ್ಕಿಣಿ

ಗರಿಮುರಿ
ಹುಲ್ಲುಗರಿಕೆ
ಚೂಪಾಗಿ
ಸೀರಾಗಿ
ಪುಳಕಿಸಿ ನಿಂತಂತೇ
ನನ್ನ ಭಾವನೆಗಳಿಗೆಲ್ಲ
‘ಹಿಟ್’-ಆಗುವ
ಆಕಾರ ತುಂಬುವ-ಜಿಜ್ಞಾಸೆ
ವ್ಯರ್‍ಥ

ಕಂಡ
ಕೆಂಡಸಂಪಿಗೆಗೆಲ್ಲ
ನಿಗಿನಿಗೀ ಮುತ್ತಿಕ್ಕಿ
ತುಟಿಯ ಕುಡಿ ಸುಟ್ಟ
ಕಲ್ಪನೆಗೂ
ಅನುಭವದ ಅರ್‍ಥ

ಹೀಗೆಷ್ಟೋ
ಮಾತು, ಮನಸಿಗೂ ಮೀರಿ
ಬಾಯಿಂದ
ಫಳ್ -ಎಂದು ಜಾರುವ
ಉಸಿರಿಗೆಲ್ಲ
ಜೀವ ಅನ್ವರ್ಥ
*****

Related Posts

ಸವತಿ ಮಕ್ಕಳ ಹಾಗೆ

ಸವತಿ ಮಕ್ಕಳ ಹಾಗೆ ಕಾಣಬೇಡವ್ವ ಸವತಿ ಮಕ್ಕಳ ಹಾಗೆ ಕಾಣಬೇಡ. – ೧ – ಹಾಲನುಣಿಸಿದ ಮೊಲೆಯ ಕೊಯ್ಯುವರು ಎಂಬೆ ತಾಯ ಲಾಡಿಗೆ ಕೈಯ್ಯ ಹಚ್ಚುವರು ಎಂಬೆ ಮರುಧರೆಯ ಮರುಳರ ಕಡು ನೆಂಟರೆಂಬೆ ಪಕ್ಕದ […]

ಗಣಕ ಯಂತ್ರ

ಎಲ್ಲ ತಿಳಿಸುವ, ಎಲ್ಲ ತಿಳಿದಿರುವ, ಮಡಿಲ ಮೇಲಿನ ಗಣಕವೇ, ವಿಶ್ವವ್ಯಾಪಿ, ಸರ್ವಜ್ಞಾನಿ ಬಲೆಯೇ ಏನೇ ಬೇಡಿಕೆ, ಏನೇ ಹಂಬಲ, ಬೇಕಾದರು, ಏನೇ ಬೆಂಬಲ ಮೊರೆಹೋಗುವೆ ನಿನ್ನ, ನಾ ದುರ್ಬಲ! ಜೀವಾತ್ಮದ ಸಂಚಯದ, ಪರಮಾತ್ಮನ ಪರಿಚಯದ […]

ಬೆಳಕು

ಬೆಳಕೆ! ಓ ನನ್ನ ಬೆಳಕೆ! ಜಗವನೆಲ್ಲವ ತುಂಬಿ ತುಳುಕುತಿಹ ಬೆಳಕೆ! ಕಂಗಳಾಲಯ ತುಂಬಿ ಚುಂಬಿಸುವ ಬೆಳಕೆ! ಎದೆಯ ಇನಿದಾಗಿಸುವ ಚೆನ್ನ ಬೆಳಕೆ! ಓ! ಬೆಳಕು ಕುಣಿಯುತಿದೆ ನನ್ನ ಬಾಳಿನ ಮಧ್ಯ ರಂಗದಲಿ; ಮುದ್ದಿನ ಕಣಿ, […]