ಎಲೆಗೆ

Posted on by ಜಯಂತ ಕಾಯ್ಕಿಣಿ

ಎಲೆ ಎಲೆಯೆ
ನಿನ್ನ ಹಸಿ ಹಸಿದ ಹಸಿ
ರು ಮೈಗುಂಟ
ಸರಾಗ ಕೊರೆಯುತ್ತವೆ
ನರಗಳ ದೌರ್‍ಬಲ್ಯ.
ಹಾದಿಗಳೆಲ್ಲ ಕಾಲು ಚಾಚಿ
ಮಲಗಿವೆ ಅಲ್ಲಲ್ಲಿ ಇತಿಹಾಸ
ಹೆಕ್ಕುತ್ತ ಸಂಚರಿಸುವ
ಬಾಧೆಗಳು ತೊಲಗಿವೆ
ಹಸಿರುಗಚ್ಚುತ್ತಿರುವ ಕೋಶಗಳೆದುರೂ
ಮೈ ಕಳಚಿ ಮೆರೆದಿವೆ
ಹತ್ತಾರು ಕಾಮನಬಿಲ್ಲು. ತಿಳಿದೆಯಾ

ಹುಳಿ ಹಳದಿ ಹಳಸುತ್ತಿರುವ
ಕಂಪನಗಳ ಹೆಸರಲ್ಲಿ
ಏಯ್
ನಿನ್ನ ಮೈ ನಿರಿಗೆಗಟ್ಟುತ್ತಿದೆ
ಕೊನೆಗೊಮ್ಮೆ ನೀ ತಟ್ಟನೆ
ತೊಟ್ಟು ಕಳಚಿ
ತೂರಿ ಬೀಳುವದುಂಟಲ್ಲ
ಆಗಿನ
ಆ ಕ್ಷಣದ
ನಿನ್ನ ತೇಲುಬೀಳಿನ
ಅನಿವಾರ್‍ಯನೀರವದಲ್ಲಿ
ಇನ್ನೂ ಇನ್ನೂ ನೀನು
ಉಸಿರಾಡುತ್ತಿರುವ ಸದ್ದು
ನನಗಿಲ್ಲಿ ಕೂತಲ್ಲಿ
ಕೇಳಿಸುತ್ತದೆ. ಕಳೆದೆಯಾ
*****

Related Posts

ಕವಿತೆ

ಇರುಳು ನಕ್ಷತ್ರ ಮಿನುಗುತ್ತವೆ- ಎಂದರೆ, ಬೆಳಕು ಬಾಯ್‌ಬಿಟ್ಟು, ತುಟಿಗೆ ತುಟಿ ಹಚ್ಚದೆ ಮಾತಾಡಿಕೊಳ್ಳುತ್ತವೆ. ಕವಿತೆ ಕಿವಿಗೊಟ್ಟು ಕೇಳುತ್ತದೆ. ಮಂದ ಬೆಳಕಿನಲ್ಲಿ ಗಿರಿ ಶಿಖರ ಗಿರಿಗಿರಿ ಬುಗುರಿಯಾಡಿ ಇದ್ದಲ್ಲೆ ನಿದ್ದೆ ಹೋಗುತ್ತವೆ. ಗಿಡಮರಗಳು ಆಕಾಶದಲ್ಲಿ ಬೇಕಾದ […]

ನಂಬಿಕೆ

ಅನಂತವೆಂದರೂ ಆಕಾಶಕೊಂದು ಆಕೃತಿಯುಂಟು, ನೀಲವೆಂದರೂ ನೂರು ಬಣ್ಣದ ಲೀಲಗವಕಾಶವುಂಟು. ಭೂಮಿಯ ಮೇಲೆ ಕಾಲೂರಿ ನಡೆದಿದ್ದರೂ ಇದರ ಸ್ತರಗಳ ನಡುವೆ ಸ್ಥಿರಗೊಂಡ ಒಡನಾಟ, ನಿರಂತರ ನಂಟು. ಹಗಲೆಲ್ಲ ಹಸುರಾಗಿ, ತುಂಬು ಕೆಂಪಾಗಿ, ರೆಂಬೆ – ಕೊಂಬೆಗಳೆಲ್ಲ […]

ಅಮೇರಿಕ ಅಮೇರಿಕ

– ೧ – ಅಮೇರಿಕ ಅಮೇರಿಕ ನಿನ್ನ ಸಂಸ್ಕೃತಿಯನಾಗಸಕ್ಕೆತ್ತಿದಾಗೆಲ್ಲ ನಿನ್ನವರ ಟೈ ಸೂಟು ಸ್ಕರ್ಟುಗಳನ್ನೊಂದೊಂದೆ ಕಳಚಿ, ನೆತ್ತರಿನಿಂದ ಸ್ಪ್ಯಾನಿಶರ ಜರ್ಮನರ ಪೋರ್ಚುಗೀಸಾಂಗ್ಲ ನೀಗ್ರೊಗಳ ಕಡಲ್ಗಳ್ಳ ಹಂತಕ ಹಾದರಗಿತ್ತಿಯರನೆತ್ತೆತ್ತಿ ನಿನ್ನೆದುರು ನೂಕಿ ಪಕಪಕನೆ ನಗಬೇಕೆಂದಾಗ – […]