ಐದು
ಪುಟ್ರಾಜ ಇಸುಲ್ಗ್ ಸೇರುದ್ಮಲೈ ಇನು ಚುರ್ಕಾಗೋದ. ಮಗ್ಲುಂಡೀಲಿದ್ದದು ಒಂದೇ ಇಸುಲ್ ಮನೈ. ಒಂದ್ನೇ ಕಳಾಸ್ನಿಂದ ನಾಕ್ನೇ ಕಳಾಸ್ಗಂಟ ಅದೇ ರುಂಲೇ ಕಚ್ಚ ಮೇಸ್ಟ್ರು ಪಾಟ ಮಡವ್ರು. ಇಂವ ಒಂದ್ನೇ ಕಳಸ್ಲೆ ಇದ್ಕಂಡು ಯಲ್ಲಾ ಪಾಟನುವೀ ಕಿವ್ಗೊಟ್ ಕೇಳ್ತಿದ್ದ. ಅವುನ್ಗ ಯಲ್ಲಕ್ಕಿಂತ ಎಚ್ಚಾಗಿ ಕಚ್ಚ ಮೇಸ್ಟ್ರ ಮತು ಅಂದ್ರ ಬೋ ಇಸ್ಟ. ಕಚ್ಚಮೇಸ್ಟ್ರಂಗ್ ಮತಾಡವ್ರು ನಮ ಊರ್ಲೆ ಯರು ಇಲ್ಲಕಜೈ ಅಂತ ಅಂವ ತಿಮ್ಮಜ್ಜಿಗೇಳವ್ನು. ಅದ್ಕ ತಿಮ್ಮಜ್ಜಿ, ಅಯ್ಯ ನಿಮ್ಮಬ್ನುವ ಮೈಸುರ್ಲಿ ಕಚ್ಚ ಮೇಸ್ಟ್ರಿಗಿಂತ ಚೆಂದಾಗ್ ಮತಾಡ್ತಾನಕಪ್ಪ. ಅದೆಲ್ ಕಲ್ತಿದಾನ ಆ ಮತ. ಮತುನ್ ಪುರ್ಸ. ಇಸ್ವೇಸ್ವರಯ್ಯನ್ ತಲೈ ನಿಮ್ಮಬ್ಬುಂದು, ಇನ್ನು ನಾಕಕ್ಸರ ಏನಾರ ಕಲ್ತ್ಬುಟ್ಟಿದ್ರೈ ಇಂದ್ರಾಗಾಂದಿ ದಂಡಲೋಗ್ ಕುತ್ಗಳಂವ. ಆ ಇದಿ ಮುಂಡೈ ಅವ್ನಣಲೀ ಅದ್ಬರನಿಲ್ಲ. ಅನ್ಯಾಯತಿ ಅಂದ್ಲು. ಅಜೈಯ ಇದಿ ಮುಂಡೈ ಅಂದ್ರಾ ರ? ಅವ್ಳು ಕಚ್ಚಾಮೇಸ್ಟ್ರುಗಿಂತುವೀ ಚಂದಾಗ್ ಬರ್ದಾಳ ಅಂದ. ಅಯ ನಿಮ ಕಚ್ಚಮೇಸ್ಟ್ರಣಲ್ ಬರ್ದಿರೌಳೇ ಅವ್ಳುಕಪ್ಪ. ಕುಸುಟ್ಟುದ್ ಮುರ್ನೆ ದಿನ ಒಂದೊತ್ತುನ್ ರಾತ್ರಲಿ ಇದಿಯಮ್ಮ ಬಂದು ಮೊಗ್ವ ತ್ವಡಮಲ್ ಕುಂಡ್ರುಸ್ಕಂಡು ಅಣಬರ ಬರತಳ. ಆಗ ಅವ್ಳ್ಗ್ಯಾನ ಯಗಿದ್ದ ಆಗ್ ಬರತಳ. ಒಳ್ಳೆ ಗ್ಯಾಂದಲ್ಲಿದ್ರ ಮೊಗಿಗ್ ಪುಣ್ಯ. ಕ್ಯಟ್ ಗ್ಯಾನ್ದಲ್ಲಿದ್ರ ಅದೇನ್ ಬರ್ದಳ ಅವ್ಳಿಗೆ ಗೊತ್ತಿರಲ್ಲ ಅನ್ಯಾಯಕಾತಿಗ. ಕೈ ಇಡ್ದ್ ಗಂಡ ಅಸಮಣಮಲೇ ನಿಗ್ತ್ಗಂಡು ಗಂಡುನ್ ಸುಕಾ ಕಾಣ್ದೆ ಗುಂಡ್ಕಲ್ನಾಗ್ ನೂರ್ ವರ್ಸ ಬಾಳು ಅಂತ್ ಬರತಳ. ಬಡ್ತನ್ದಲ್ಲುಟ್ಟಿ ಇಟ್ಗಿಂ ಬೋ ಕಸ್ಟಪಟ್ಟು ಮುವ್ವತ್ ವರ್ಸ ಬಾಳಿ ಮಲಕ್ಸಿ ಯಂತೌಳ್ ಕೈ ಇಡುದ್ಮಲ ಆಲುಕ್ಕಿ ಆಲ್ ಸಾಗುರ್ವಾಗಿ ಸುರ್ದು, ಸುಕ ಸಂಪತ್ ಬಂದು ವದ್ದಾಡ್ತಿರಾಗ ಅನ್ನ ಉಪ್ಪು ಉಳಿಕಾರ ತಿನ್ಬಾರ್ದಂತ ಕಾಯ್ಲ ಬಂದು , ಸಪ್ಪ ಎಸುರ್ಲಿ ಸೊಪ್ಪು ಮುದ್ದ ತಿನ್ನಾಗಾಗ್ಲಿ ಅಂತ ಬರಿತಾಳ. ಅವ್ಳ್ ಬರ್ಯ ಅನ್ಯಾಯ ಒಂದಾ ಏಡಾ ಅಂತ ತಿಮ್ಮಜ್ಜಿ ಉಸುರ್ ಬುಟ್ಲು. ಆಗ ಪುಟ್ರಾಜ ಅಜೈ ಮುರ್ನೆರಾತ್ರಲೀ ನಿದ್ದ ಮಡ್ದೆ ಕಾಯ್ಕಂಡ್ ಕುತ್ಗಂಡು, ಅವ್ಳ್ ಬರ್ಯಾಗ ಕೈ ಮುಕ್ಕಂಡು ಚಂದಾಗ್ ಬರಸ್ಕಂಡ್ರೈ? ಅಂದ. ಅಯ ಅವ್ಳು ಯರ್ ಕಣ್ಗೂ ಕಾಣುಸ್ಕಳಲ್ಲ ಕಾ ಕಂದ. ಆ ಮೊಗೀನ್ ಕಣ್ಣೊಂದುಕ್ಕಿಂ ಕಾಣುಸ್ಕಳಾದು, ಅದ್ಕಿಂ ಮೊಗ ಸುಮ ಸುಮ್ನೆ ಒಂದೊಂದೇ ನೆಗಲ್ವಾ. ಅದು ಯಕ್ ನೆಗ್ತುದ ಅಂತ ತಿಳ್ಕಂಡಿದೈ. ಅದುರ್ ಕಣ್ಗ ದೇವ್ರ್ಗಳ್ ಕಾಣುಸ್ಕತರ ಅವ್ರ್ನೋಡಿ ಮಕ್ಳು ನೆಗದು.
ಒಂದ್ಸತಾ ನೀಂಳ್ದಾಗಿಂ ನಿನ್ನಸ್ಟುದ್ದೊಂದ್ ಗಂಡು ತನ್ನಕ್ಕುನ್ಗ ಎಣ್ ಮೊಗ ಉಟ್ದ ಮುರ್ನೆ ದಿನುದ್ ರಾತ್ರ ನಿದ್ದ ಮಡ್ದೆ ಕಾಯ್ಕಂಡ್ ಕುತ್ಗಂಡ್ನಂತಾಯ. ಒಂದೊತ್ತುನ್ ರಾತ್ರಲಿ ಇದಿಯಮ್ಮ ಬಂದ್ಲಂತಾಯ. ಬಂದು, ಮೊಗ್ವ ತ್ವಡಮಲ್ ಕುಂಡ್ರುಸ್ಕಂಡು ಅಣಬರ ಬರ್ದ್ಬುಟ್ಟು ಎದ್ದೋಯ್ತಿದ್ಲಂತೈ. ಆ ಗಂಡು ಅವ್ಳಿಂದ್ಗುಂಟ್ಲಿಂ ವೋಗಿ ಊರ್ ಬಾಗ್ಲುನ್ತಾವ್ ನಿಂತ್ಗಂಡು, ಕುಗ್ಕಂಡ್ನಂತೈ. ಇದಿಯಮ್ಮ ತಿರುಗ್ ನೋಡುದ್ಲಂತೈ. ಅವ್ನ ನೋಡ್ಬುಟ್ಟು ’ಯನ್ಬೇಕು ಕಂದಾ’ ಅಂದ್ಲಂತೈ. ಆ ಗಂಡು ’ನಮ್ಮಕ್ಕುನ್ ಮೊಗಿನ್ ಅಣ ಮಲ ಯನ್ ಬರ್ದಂಳು’ ಅಂದ್ನಂತೈ. ಅದ್ಕ ಇದಿಯಮ್ಮ ’ಅದಾ ನಾ ಯಗು ಂಳಾಗಿಲ್ಲ’ ಅಂದ್ಲಂತೈ. ’ನೀ ಂಳ್ದೆರೈ ನಾ ನಿನ್ ಸುಮ್ನೆ ಬುಡೈಲ’ ಅಂದ್ನಂತ. ’ಯನ್ ಮಡಿಂ’ ಅಂತ್ ಕೇಳುದ್ಲಂತ. ’ಈ ಬಾವುಗ್ ಬಿದ್ ಸೊತ್ತೋಯತ್ನಿ’ ಅಂದ್ನಂತೈ. ’ನಾ ನಿನ್ ಅಣಲಿ ಆಗ್ ಬರ್ದಿಲ್ವಲ್ಲ’ ಅಂದ್ಲಂತ. ’ನಾ ಬಿದ್ ಸೊತ್ತೋಗಿ ನೀ ಬರ್ದಿರಾದ್ನಿಂ ಸುಳ್ ಮಡ್ತೀನಿ’ ಅಂದ್ನಂತೈ. ಇದಿಯಮ್ಮ ಬರ್ದಿರಾದು ಯವತು ತಪ್ಪಾಗೇ ಇಲ್ಲ. ಅದ್ ತಪ್ಪುದ್ ದಿನ್ವಿಂ ಅವ್ಳ್ ಸಾವು ಅಂತ ಅವ್ಳ್ ಅಣಬರ್ವಂತೈ. ಅದ್ಕ ಇದಿಯಮ್ಮ ಎದುರ್ಕಂಡು ಆ ಗಂಡ್ಗ, ’ನಾ ನಿಮ್ಮಕ್ಕುನ್ ಮಗಳಣಾಲಿ ಬರ್ದಿರದ್ಯೋಳ್ತೀನಿ, ಆದ್ರ ಅದ ನೀ ಯರು ಂಳ್ಬಾರ್ದು’ ಅಂತ ಅವುನ್ಕೆ ಲಿ ಬಾಸ ತಕ್ಕಂಡು. ’ಅದ್ನಾಕ್ ವರ್ಸುಕಾ ಸಿರಿವಂತನಾದ ಉಡ್ಗುನ್ ಜ್ವತಲಿ ಲಗ್ನಾಗಿ, ಮುದ್ದಾದ್ ಮುರ್ ಮಕ್ಳ್ ತಾಯಗಿ, ಸುಕಾ ಸಂತೋಸ್ದಿಂದ ಅದ್ನಾರೊರ್ಸ ಬಾಳಿ, ಮದುಲ್ನೇ ಮಗ್ಳ್ ಲಗ್ನ ಮಡಿ ಸಬ್ಗಸ್ತುಗ್ ಕಳ್ಗುಸ್ಬುಟ್ಟು ಅದೇರಾತ್ರ ಅಟ್ಟಿ ಜೀತ್ಗಾರ್ನ್ ಜ್ವತಲೋಗು ಅಂತ ಬರ್ದೀವ್ನಿ’ ಅಂತ ಂಳ್ಬುಟ್ಟು ವೊಂಟೋದ್ಲಂತ.
ಇಂವಾ ಚಂದಾಗ್ ಸಂಪಾದ್ನ ಮಡಿ ದೊಡ್ ಸ್ರೀಮಂತ ಆಗಿ ಆ ಎಣ್ಣ ಮದ್ವ ಮಡ್ಕಂಡ್ನಂತೈ ಮುದ್ದಾದ್ ಮುರ್ ಮಕ್ಳು ಆದ್ವಂತೈ. ಮದುಲ್ನೆ ಮಗ್ಳ್ ಲಗ್ನುವ ವೈಬೋಗ್ದಿಂದ್ ನ್ಯಡ್ದು ಮಗ್ಳು ಅಳೀನು ಸಬ್ಗಸ್ತ್ಗೋದ್ರಂತ. ಆ ರಾತ್ರ ಅವ್ಳಟ್ಟಿ ಜೀತ್ಗಾರುನ್ನ ಬ್ಯಾರೆವ್ರಟ್ಲಿ ಮನ್ಗುಸ್ಬುಟ್ಟು , ಅವ ಮನೀಕಳ ಜಾಗ್ದಲ್ಲಿ, ಅಂವಾ ಒದ್ಕಳಾ ಕಂಬ್ಳಿ ಒದ್ಕಂಡು ಇಂವಾ ಮನಿಕಂಡ್ನಂತ. ಒಂದೊತ್ತುನ್ ರಾತ್ರಲಿ ಅವ್ಳು ಬಂದು ಇವ್ನ ಂಳ್ಸುದ್ಲಂತೈ. ಇಂವ ಎದ್ ಕುತ್ಕಂಡ್ನಂತೈ. ’ನಾ ನಿನ್ಗ ಇಸ್ಟ್ ವರ್ಸ ಇಟ್ಟಿಕ್ಕಿ ಸಾಕಿವ್ನಿ, ನಾ ಂಳದ್ಕ ಎದ್ರಾಡ್ಬೇಡಾ. ನನ್ ಜ್ವತಲ್ನ್ಯಡ’ ಅಂದ್ಲಂತ. ಇಂವಾ ಏನೂ ಮತಾಡ್ದೆ ಎದ್ದು ಅವ್ಳಿಂದ್ಗುಂಟ ನ್ಯಡ್ದ್ನಂತ.. ಗೌಗತ್ಲವಳ್ಗ ಇವ್ನ್ ಮ್ವಕ ಅವ್ಳುಗ್ ಕಾಣ್ನಿಲ್ಲ. ಬೆಳ್ಕರ್ಯಗಂಟ ಅವ್ಳ್ ಮುಂದ್ ಮುಂದಾ ಇಂವಾ ಇಂದಿಂದ ನ್ಯಡ್ದ್ರಂತ. ಒತ್ತುಟ್ತಿದ್ದಾಗಿಂ ಸುರ್ಯನ್ ಬೆಳುಕ್ಲಿ ಅಂವ್ನಾ ನೋಡಕ್ಕಂತ ತಿರುಗುದ್ಲಂತೈ. ಇಂವ ಮ್ವಕುದ್ ತುಂಬಾ ಕಂಬ್ಳಿ ಒದ್ಕಂಡು ತಲಬೊಗ್ಗುಸ್ಕಂಡು ನ್ಯಡತಿದ್ನಂತೈ. ಅವ್ಳು ಇವ್ನ್ ದಂಡುಕ್ ಬಂದು ಮುಸುಕ್ ತಗುದ್ಲಂತೈ. ತಗ್ದೇಟ್ಗಿಂ ಇವ್ನ್ ಮ್ವಕ ನೋಡ್ಬುಟ್ಟು ಎದುರ್ಕಂಡು ಕಾಲಿಡ್ಕಂಡು ಗೋಳ್ಗರುದ್ಲಂತ. ಆಗ ಇಂವ ನೆಗ್ನಾಡ್ಕಂಡು ’ಇದ್ರಲ್ಲಿ ನಿನ್ ತಪ್ಪೇನು ಇಲ್ಲ ನಿನ್ನಣಾಬರ ಈಗಿತ್ತು. ಕಳೀತು ನ್ಯಡ’, ಅಂತ ಇಂದುಕ್ ಕರ್ಕ ಬಂದ್ನಂತೈ. ಅವ್ಳ್ ಬರುದ್ಮಾಲೈ ಅದಾ ತಪ್ಸಾಕ ಆಗಲ್ಲಾ, ಅದ್ಕಿಂ ವಬ್ರಾಗ್ ವಬ್ರಿರಲ್ಲ, ಬೂಲೋಕ್ದಲ್ಲಿ ಅಂತ ತಿಮ್ಮಜ್ಜಿ ಪುಟ್ರಾಜುನ್ಗೇಳುದ್ಲು.
ಅಸ್ಟೊತ್ಗ ಕ್ವರುಮಗೇರಿ ಮೇಸ್ಟ್ರ್ ಮಂಜಪ್ಪ ದಾಸಗೌಡ್ರೈ ಅಂತ ಪಿಸ್ಗರ್ದ. ದಾಸಣ್ಣ ವಳ್ಗ ಯದಮಲ ಲೇಡಿ ಮಡೀಕಂಡ್ ಕೇಳ್ತ ಮನ್ಗಿದ್ದವಾ, ಅದ ಆಪ್ ಮಡ್ಬುಟ್ಟು ಎತ್ತಿಟ್ಬುಟ್ಟು ಯರಾ ಅಂತ ಎದ್ ಬಂದ. ಮಂಜಪ್ಪ ನಾನು ಕನಿ ಗೌಡ್ರಾಯ, ಊರ್ನಿಂದ ನನ್ ಬಾಮೈದ್ ಬಂದಿದ್ದ. ಕರ್ಕಬಂದಿ. ಏಡ್ ಸೀಸ ಕೊಡಿ ಅಂದ. ನಿಮ ಗಂಡ್ ಕಳಿಸಿದ್ರ ಕೊಟ್ ಕಳಿಸವ್ನಲ್ಲ ಸಾ ನೀವ್ಯಾಕ್ ಬಂದ್ರಿ ಅಂದ ದಾಸಣ್ಣ. ಇಲ್ಲ ಕನಿ ಗೌಡ್ರ ನಮ್ಮತ್ತ ಮವ ಬಂದವ್ರ ಅಲ್ಕುಡಿಯಗಿಲ್ಲ ಅಳೀ, ಅದ್ಕಿಂ ಇತ್ತಾಗ್ ಕರ್ಕಂಡ್ ಬಂದಿ ಅನ್ನಿ ಅಂದ. ದಾಸಣ್ಣ ಏಡ್ ಬಾಟ್ಲ್ ತಗ್ದು ಅವ್ರ್ ಮುಂದ್ ಮಡುಗ್ದ. ಮಂಜಪ್ಪ ಜ್ವತಲೇ ಚೌಕ್ದಲ್ ಕಟ್ಕಂಡ್ ತಂದಿದ್ ಕಳ್ಳಪುರಿಯ ಆಸ್ಗಂಡು ಅದತಗ್ದು ಬಾಂಸ್ಕಂಡು ಏಡ್ ಗುಟುಕ್ ಯಂಡ ಕುಡ್ದು ಸೀಸ ಕ್ಯಳ್ಗಿಟ್ಟ ಮಂಜಪ್ಪ. ಅಜ್ಜಿ ದಂಡಲ್ ಕುತ್ ಮತಾಡ್ತಿದ್ ಪುಟ್ರಾಜ, ಮಂಜಪ್ಪ ಯಂಡ ಕುಡ್ಯದ್ ನೋಡಿ ಅವ್ರ್ನ್ನೇ ದುರ್ಗುಟ್ಕಂಡ್ ನೋಡ್ತ ಕುತ್ಗಂಡ.
ಮಂಜಪ್ಪ ಅರ್ವಲಿ ಕಾಲೇಜ್ ಮೇಸ್ಟ್ರು. ಕ್ವರುಮಗೇರಿಲಿಂ ಅವ್ನಂತ ಮನ್ಸ ಇಲ್ಲ. ಅಂತ್ಯವ ಯಂಡಕುಡಿತಿರದ್ ನೋಡಿ ಪುಟ್ರಾಜುನ್ಗ ನಂಬಕಾಗ್ನಿಲ್ಲ. ಮಂಜಪ್ಪ ಕಾಲೇಜ್ ಮೇಸ್ಟ್ರಾದ್ರುವಿ ಯಂಡಮತ್ರ ಕುಡಿತಿದ್ದ. ಆದ್ರ ಒಂದಿನುವಿ ದಾಸಣ್ಣನ್ ಅಟ್ಟಿಗ್ ಬಂದು ಕುಡ್ದಿರ್ನಿಲ್ಲ. ಅವ್ರಿವ್ರ್ ತಾವ್ ತರುಸ್ಕಂಡು ಅಟ್ಟಿಲಿಂ ಯರು ಗೊತ್ತಿಲ್ದಂಗ್ ಕುಡಿತಿದ್ದ. ಆದ್ರ ಇವತ್ ಮತ್ರ ಅವ್ರತ್ತ ಮವ ಬಂದಿದ್ರಿಂದ ಇಲ್ಲಿಗ್ ಬರ್ಬೇಕಾಯ್ತು. ಅದ್ಕಿಂ ಯಲ್ರು ವಾದ್ ಮಲ್ ಬಂದಿದ್ದ. ಆದ್ರ ಗರ್ಬಡ್ದಂಗ್ ಕುತಿದ್ ಪುಟ್ರಾಜುನ್ ನೋಡುದ್ ಮೇಸ್ಟ್ರು ಅಪ್ಪಾ ಕುಸು ಬಾ ಇಲ್ಲಿ ತಕ್ಕ ಕಳ್ಳಪುರಿ ತಿನ್ನು ಅಂತ ದಂಡುಕ್ ಕರ್ದು ಕುಂಡ್ರುಸ್ಕಂಡು, ಕಳ್ಳಪುರಿ ತಿನ್ಸಿ, ಎದ್ದೋಗಾಗ ಅವುನ್ ಕೈಗ ನಾಕಾಣಿ ಕೊಟ್ಟು, ನೋಡು ಕುಸು ನಾ ಬಂದ್ ಇಲ್ಲಿ ಯಂಡ ಕುಡ್ದಿ ಅಂತ ಯಗು ಂಳ್ಬಾ ಡ, ಜಾಣ ನೀನು. ಬರ್ಲಾ ಅಂದ್ಬುಟ್ಟು ದಾಸಣ್ಣುನ್ಗ ಬಾಟುಲ್ ದುಡ್ ಕೊಟ್ಬುಟ್ಟು ವೊಂಟೋದ್ರು. ಪುಟ್ರಾಜುನ್ಗ ಏನ್ ಮಡ್ಬೇಕು ಅಂತ ಗೊತ್ತಾಗ್ನಿಲ್ಲ. ಅಜ್ಜಿದಿಕ್ ನೋಡ್ದಾ. ತಿಮ್ಮಜ್ಜಿ ಅಂದ್ಲು. ನೋಡ್ದ ಯ್ಯ ಇದಿ ಮುಂಡ ಆಟ್ವಾ. ಊರ್ಗೆ ಪಾಟಂಳ ಮೇಸ್ಟ್ರಣಲಿ ಯಂಡಕುಡಿ ಅಂತ ಬರ್ದವ್ಳ. ಅಂವಾ ಅದ್ಯಾಗ್ ತಪ್ಪುಸ್ಕಳಕ್ಕಾದ್ದು. ಬಾ ಉಂಡ್ಕಂಡ್ ಮನಿಕಳವು ಅಂದ್ಲು. ದಾಸಣ್ಣ, ಮೇಸ್ಟ್ರಾದ್ರೇನ? ಮಿನಿಸ್ಟ್ರಾದ್ರೇನ? ನಮ್ಮಂಗ್ಡಿಗ್ ಬಂದ್ಮಾ ಲ ಅವ್ಯಾ ವನಾದ್ರುವೀ ನಮ್ಮುಂದ ತಲ ಕ್ಯರ್ಕಂಡು ಅಲ್ಗಿಂಜ್ಕಂಡು ನಿಂತ್ಗಬೇಕು ಕನ್ ನ್ಯಡ ಅಂತ ನೆಗ್ತ ದುಡ್ಡ ಚಡ್ಡಿ ಜೋಬ್ಗಾಕ್ಕಂಡು ಕಾಲಿ ಸೀಸ ತಗ್ದು ಕ್ರೇಟ್ನೊಳಕ್ ಇಟ್ಟು ಕೈತ್ವಳ್ಕಂಡು ನ್ಯಡ ಸ್ವಾಮಿ ಇಟ್ಟುಣೌಂವ್ ಅಂದ.
ಆರು
ಗಿಡ್ಡಯ್ನಟ್ಟಿ ತಾಯಕ್ಕ ವೊತ್ತುಟ್ತಿದ್ದೊತ್ಗ ಸರ್ಯಾಗಿ ಅಟ್ಟಿಮುಂದ್ಲ್ ಕಸಾ ಗುಡ್ಸಿ ತ್ವಪ್ಪ ನೀರಾಕ್ತಿದ್ಲು. ಅವ್ಳ್ ಇರಿಮಗ ರಾಜೇಂದ್ರ ಜ್ವಾಳುದ್ ಕಡ್ಡಿ ತರ್ದು ದನ್ಗಳ್ಗಾಕ್ತಿದ್ದ.. ಕಲ್ಪುರುದ್ ಬಸಪ್ಪ ವಲ ಅತ್ಸಿ ಟೀ ಕಾಯಿಸ್ತಿದ್ದ. ಟೀ ಕುಡ್ಯಾಕ್ ಬಂದಿದ್ ಮಗ್ಲುಂಡಿ ಗಂಡುಸ್ಗಳು, ಬಸಪ್ನೋಟ್ಲು ಮುಂದ ಬೆಂಕಿ ಕಾಯ್ಕಂಡು ಊರುನ್ ಕಸ್ಟ ಸುಕ ಮತಾಡ್ಕಂಡು, ಮೈ ಬ್ಯಚ್ಚುಗ್ ಮಡ್ಕತ್ತಿದ್ರು. ಅವ್ರಲ್ಲೇ ಇರೀಕ್ ಮನುಸ್ರು ಮೋಟ್ ಬೀಡಿ ಕಸ್ಕಂಡು ಪುಕ್ಕ ಪುಕ್ಕ ವಗಾ ಬುಡ್ತಿದ್ರು. ಬೆಂಕಿ ಕಾಯ್ತಿದ್ ತುಂಡೈಕುಳ್ಗುವ ಬೀಡಿ ಸೇಂಕು ಅನ್ಸುದ್ರುವೀ, ಇರಿಯರ್ಮುಂದ ಸೆಯ್ಯದ್ಯಂಗ್ಯಾ? ಅಂತ ಅವ್ರು ಬುಟ್ ವಗಾನಿಂ ಕುಡ್ಕಂಡು ಉರಿತಿದ್ ವಲ್ಗ ಸೋಗುನ್ ತರ್ಗಾಕ್ಕಂಡು ಆಯ್ತ ಬಸಪೈ ಅಂತ ಕುಗ್ತಿದ್ರು. ಬಸಪ್ಪ ಆಯ್ತು ತಂದಿ ಅಂತ ಅನ್ಕಂಡಿಂ ಇಡ್ಲಿ ದ್ವಾಸ್ಗ ರಡಿ ಮಡ್ತಿದ್ದ.
ದಾಸಣ್ಣ ಎದ್ದು ದನ್ಗಳ್ ಈಚುಗ್ ಕಟ್ಟಾಕ್ಬುಟ್ಟು ಅವ್ಕ ಮೇವಾಕ್ಬುಟ್ಟು, ವಲ್ದಿಕ್ ವಂಟಿದ್ದ. ಇದೇನ್ ವಲ್ದಿಕ್ ವಂಟ್ಯಣ್ಣೆ ಅಂತ ತಾಯಕ್ಕ ಕೇಳುದ್ಲು. ಊಂ ಕವ್ವಾ ಒಂದ್ ಗಳ್ಗ ತಿರ್ಗಾಡ್ಕಬತ್ನಿ ಅಂದ. ಅಣೈ ಅರುಗ ’ಬಂಗಾರ್ದ್ ಮನ್ಸ ’ ಬಂದಿದ್ದಂತೈ. ಪುಟ್ಟುನ್ ಕೇಳ್ದಿ, ಅದ್ಕ ಅವ್ಳು ನಿಮ್ಮಣ್ಣುನ್ಗೇಳು ತಾಯಕ್ಕ ಅದ್ಕೇನ ವಾಗಂವ್ ಅಂದ್ಲು. ತಿಂಗುಳ್ ಬೆಳ್ಕದ ವಾಗವಣೈ ಅಂದ್ಲು. ದಾಸಣ್ಣ ಬಂಗಾರ್ದ್ ಮನ್ಸ್ನಾ ನಾ ಮೈಸುರ್ಲಿ ನೋಡಿವ್ನಿ ಕವ್ವಾ ಚಂದಾಗದೈ. ಇನ್ನೊಂದ್ಸತ ನೋಡ್ಬೆ ದು ಅದ್ಕಾ ನ ವಾಗಂವ್ ತಮ್ಮಯ್ಯುನ್ಗೇಳು ಅಂದ್ಬುಟ್ಟು ವಂಟೋದ. ಆಗಂದ್ಗಳುಗ್ಗಿಂ ತಾಯಕ್ಕ ಬರ್ಲ ಇಟ್ಬುಟ್ಟು ಇತ್ತಾಳ ತಪ್ಲಲ್ಲಿ ತುಂಬ್ ಮಡ್ಗಿದ್ ನೀರ್ಲಿ ಕೈ ತ್ವಳ್ಕಂಡು ಸೀರ ಸೆರುಗ್ಲಿಂ ಕೈ ವರುಸ್ಕತ ದಾಸಣ್ಣುನ್ ಅಟ್ಟೀಗ್ ಬಂದ್ಲು. ಪುಟ್ಟಕ್ಕ ಚಟ್ನಿ ಆಡುಸ್ತ ವಳ್ಕಲ್ಲುನ್ ದಂಡಲ್ ಕುತಿದ್ಲು. ತಾಯಕ್ಕ ಬಂದವ್ಳಿಂ ಪುಟ್ಟೀ.. ಅಣ್ಣಯ್ಯ ರಾತ್ರುಗ್ವಾಗೌಂವ್ ಅಂದವ್ನ. ನಾನು ರಾತ್ರುಗ ಬಿರ್ನ್ ಅಡ್ಗ ಮಡ್ಬುಡ್ತೀನಿ. ನೀನು ಬಿರ್ನ್ ಬೇಯಿಸ್ಬುಡು ಅಂತ ಬ್ಯಂಡ್ರೋಡಿ ಜಾತ್ರುಗೋಗಾಗ ಇರಸ್ಟ್ ಸಂಬ್ರಮದಲ್ಲಿ ತಾಯಕ್ಕ ಅಟ್ಟಿಗೋದ್ಲು.
ಮನಿಕಂಡೆ ಅದುನ್ಯೆಲ್ಲ ಕೇಳುಸ್ಕಂಡ್ ಪುಟ್ರಾಜ ಎದ್ ಬಂದು ಅಮ್ಮಯ ರಾತ್ರುಗೆಲ್ಗ ವಾಗದು ಅಂದ. ಅರುಗಕಪ್ಪ ಬಂಗಾರ್ದ್ ಮನ್ಸ ಬಂದಿದ್ದಂತ ವಾಗಂವ್ ಅಂದ್ಲು. ಪುಟ್ರಾಜ ಅರವಲಿ ಒಂದಸ್ಟ್ ಪಿಚ್ಚೆರ್ ನೋಡಿದ್ದ.. ಮೈಸುರ್ಲುವೀ, ಮರ್ಲಮಿ ಅಬ್ಕ ಬೂದುರ್ಗೋದಾಗ ಮಂಡ್ಯದಲ್ಲುವೀ ಪಿಚ್ಚೆರ್ಗಳ್ ನೋಡಿದ್ದ. ಅವುನ್ಗ , ಅಂವಾ ಕಾಣ್ದೇ ಇರ ಊರು ಮಡಿಮನ್ಗಳು , ಇರಪ್ಳೇನ್ಗಳು, ಇವ್ಯ ಲ್ಲ ಪಿಚ್ಚೆರ್ಲ್ ನೋಡಿ ಅವ್ಯಲ್ಲ ಗ್ವಂಬ್ಗಳು ಪರ್ದ ಇಂದ ತಲ್ಕೆಳ್ಕನಾಗ ಓತಿಟ್ಟಿರ್ತಾರ ಅವು ಕರೆಂಟ್ಕೊಟ್ಟಾಗ ಎದ್ ನ್ಯಟ್ಗ್ ಕುಣಿತವ ಅಂತ ಅವುನ್ಗ ನಾಗಣ್ಣ ಂಳಿದ್ದ. ಒಂದ್ಸಲ ಅರ್ವಲಿ ಪಿಚ್ಚೆರ್ಗೋಗಿದ್ದಾಗ ಎದ್ದೋಗಿ, ಪರ್ದ ಇಂದ ಬೊಗ್ನೋಡಿ ಅಲ್ಲಿ ಗ್ವಂಬ್ಗಳಿಲ್ದೆ ಇದ್ದದ್ ಕಂಡು ನಾಗಣ್ಣುನ್ಗ ನೀ ಂಳಿದ್ ಸುಳ್ಳು, ಪರ್ದ ಇಂದ ಗ್ವಂಬ್ಗಳು ಇಲ್ಲ , ಗಿಂಬ್ಗಳು ಇಲ್ಲ ಅಂದಿದ್ದ. ಆಗ ನಾಗಣ್ಣ ಆಗಾದ್ರ ಪರ್ದ ಮಲ್ ಕುಣಿಯವು ಇನ್ಯಾನಂಳು ಅಂದಿದ್ದ. ಆಗಿನಿಂದ್ಲುವಿ ಪುಟ್ರಾಜುನ್ಗ ಪಿಚ್ಚೆರ್ರು ಅಂದ್ರ, ಅದ್ಯಾಗ್ ಮಡೀರು? ಅನ್ನದು ಅನುಮನ್ದಲ್ಲೇ ಇದುವಿ, ಅದ್ಯಾಗ್ಯಾರ ಮಡ್ಬುಡು ಒಟ್ಲಿ ನೋಡಕ್ ಚಂದಾಗಿರುತ್ತೈ ಅಂತ ಮತ್ರ ಕುಸಿ ಪಡ್ತಿದ್ದ.
ದಾಸಣ್ಣ ಮೈಸುರ್ಗೋಗಿ ಮಗುಳ್ನೋಡ್ಕಬತ್ನಿ ಅಂದ್ಬುಟ್ಟು, ಆಗಿಂ ಬಂಗಾರ್ದ್ ಮನ್ಸ ನೋಡ್ಕಬಂದು ಬೋಚಂದಾಗದೈ, ಒಂದೇ ಟ್ಯಾಕೀಸ್ಲಿ ಒಂದ್ ವರ್ಸ್ದಿಂದ ನ್ಯಡತ್ತ. ಇನ್ನುವೀ ತಿಕೀಟೇ ಸಿಕ್ಕಲ್ಲ ಕಣಾ ಅಂತ ಯಲ್ರುಗು ಂಳ್ತಿದ್ದ, ಆಗಿನಿಂದ್ಲುವೀ ಪುಟ್ರಾಜುನ್ಗ, ಆ ಪಿಚ್ಚೆರ್ ನೋಡ್ಬೇಕು ಅನ್ನುಸ್ಬುಟ್ಟಿತ್ತು. ಇವತ್ ಅದ್ನೋಡಕೋಗೌಂವ್ ಅಂದೇಟ್ಗಿಂ ರಾತ್ರ ಅದೆಸ್ಟೊತ್ಗ ಬಂದದು ಅಂತ ಕಾಯ್ತಿದ್ದ. ಇವತ್ತು ಅವುನ್ಗ ಕಚ್ಚ ಮೇಸ್ಟ್ರೇಳ್ದ್ ಪಾಟ ಯನು ತಿಳೀನಿಲ್ಲ. ಇಸುಲ್ಲಿ ಯಲ್ಲುರ್ಗುವಿ ಬಂಗಾರ್ದ್ಮನ್ಸ ನೋಡಕ್ಕೋಯ್ತೀವಿ, ಬಂಗಾರದ್ ಮನ್ಸ ನೋಡಕ್ಕೋಯ್ತೀವಿ ಅಂತ ಂಳ್ಬುಟ್ಟ. ಇಸುಲ ಬುಟ್ಟೇಟ್ಗಿಂ ಐಕ್ಳೆಲ್ಲ ಓಡೋಗಿ ಅವ್ರವ್ರ್ ಅಟ್ಲಿ ಪುಟ್ರಾಜ ಬಂಗಾರ್ದ್ ಮನ್ಸ ನೋಡಾಕೋದಾನಂತೈ ನಾವು ಓಗೌಂವ್ ಅಂತ ಅಳ ಇಡ್ದ್ಬುಟ್ರು. ಆಗ ಈಡುಗ್ಗೇರಿ ಎಂಗುಸ್ರು ಗಂಡುಸ್ರೆಲ್ಲ ದಾಸಣ್ಣಟ್ಟಿಗ್ ಬಂದು ನಾವು ಬತ್ತೀವಿ – ನಾವು ಬತ್ತೀವಿ ಓಗಾಗ್ ನಮ್ನು ಕರೀರಿ ಬಿರ್ನ್ ಅಡ್ಗ ಮಡುಣ್ಕಂಡಿರ್ತೀವಿ ಅಂತ ಆತುರ್ದಲ್ಲಿ ಓಗಿ ಅಡ್ಗ ಮಡುದ್ರು.
ಅರ್ವ ಮಗ್ಲುಂಡಿಗ ಕಾಲ್ದಾರಿಲ್ ನ್ಯಡ್ಕಂಡ್ ವಾದ್ರ ನಾಕ್ ಮೈಲ್ಯಾಯ್ತ. ಬರ್ ಬರ್ನ್ ನ್ಯಡುದ್ರುವಿ ಒಂದುವರ್ ಗಂಟ ಬೇಕು. ಇನ್ನು ದಾಸಣ್ಣ, ತಮ್ಮಯ್ನಂತವ್ರು ಮತುಕತ ಆಡ್ಕಂಡು, ನಿದಾನ್ವಾಗ್ನಡ್ಯದ್ರಿಂದ ಅವ್ರ್ಗ ಏಡ್ ಗಂಟ ಬೇಕು. ಪಿಚ್ಚೆರ್ ಸುರ್ವಾಗದು ರಾತ್ರ ಅತ್ತುವರ್ಗ. ಏನಿಲ್ಲ ಅಂದ್ರುವಿ ಯಲ್ರು ಎಂಟ್ಗಂಟ್ಗಾದ್ರು ಊರ್ ಬುಡ್ಬೇಕು. ಬಂಗಾರ್ದ್ ಮನ್ಸ ನೋಡಕ್ಕ ಮಗ್ಲುಂಡಿಯದ್ ಮಗ್ಲುಂಡಿಂ ಕಡುದ್ಬುಡ್ತು. ನಮ ರಾಜ್ಕುಮರ್ನ್ ಪಿಚ್ಚೇರ್ ನೋಡ್ನೇಬೇಕು ಅಂತ ಒಂದಸ್ಟ್ ಜನ ಈಡುಗ್ಗೇರಿ ಮುದ್ಕ ಮುದ್ಕೀರು ಕಡ್ದದ್ರಿಂದ ಏಡ್ ಮುರ್ ಅಟ್ಟಿಯವ್ರು ಗಾಡಿನೇ ಕಟ್ಬುಟ್ರು. ಇನ್ನು ದಡಿ ಚಿನ್ನ, ರಾಜೇಂದ್ರನಂತ ತುಂಡೈಕ್ಳು ಮುಲಲ್ ನಿಲ್ಸಿದ್ ಸೈಕಲ್ಗಳ್ ತಕ್ಕಂಡು, ಬುಳೌ ವಡ್ಕಂಡು, ಯಣ್ಣ ಆಕಿ ಚಂದಾಗ್ ವರುಸ್ಕಂಡು ಕಡ್ದ್ ನಿಂತ್ಗಂಡ್ರು. ತುಂಡೈಕ್ಳು ಓಗಾಗ ಕುಸೀಗ ಸಿಳ್ಳ ಕೇಕ ಆಕುದ್ರು. ಆ ಸದ್ ಕೇಳ್ಬುಟ್ಟು ಇನು ವಸಿ ತುಂಡೈಕ್ಳು ಕಡ್ದ್ಬುಟ್ರು. ಒಟ್ಲಿ ಬಂಗಾರ್ದ್ ಮನ್ಸ ನೋಡಕ್ಕ ಮಗ್ಲುಂಡಿ ಜನ ನಾಕಾಣಿ ಬಾಗ ಕಡ್ದ್ಬುಡ್ತು. ಇದ್ದುಕ್ಕಿದ್ದಾಗೆ ಸುರ್ವಾದ ಗಲಾಟಿ ಕೇಳಿ ನಾಯ್ಗಳೆಲ್ಲ ಬ್ಯಂಡ್ರೋಡಿ ಜಾತ್ರಲಿ ಊದ ಕೊಂಬು ಕಾಳೈತರ ಗಳ್ಳಾಕಕ್ ಸುರು ಮಡ್ದೊ. ಅರುಗ ಬಂಗಾರ್ದ್ ಮನ್ಸ್ನ್ ಯತ್ರ ವಂಟ್ಬುಡ್ತು . ತಿಮ್ಮಜ್ಜಿ , ಆಚಅಟ್ಟಿ ಯಂಕ್ಟೇಸ ಕಟ್ಟಿದ್ ಗಾಡಿ ಮಲ್ ಕುತ್ಕಂಡ್ಲು. ಪುಟ್ರಾಜುನ್ನು ತನ್ನ ಜೊತಲ್ ಕುಂಡ್ರುಸ್ಕಳಕ ಕರುದ್ಲು. ಆದ್ರ ಪುಟ್ರಾಜುನ್ಗ , ನಾಗಣ್ಣ, ಸ್ಯಂಕ್ರನ್ ಜ್ವತಲಿ ನ್ಯಡ್ಕಂಡೋಗಕಾಸೈ ನಾನ್ಯಡ್ಕಂಡೇ ಬತ್ತೀನಿ ನ್ಯಡ್ಯಜೈ ಅಂದ.
ದಾಸಣ್ಣ , ಪುಟ್ಟಕ್ಕ, ತಮ್ಮಯ್ಯ, ತಾಯಕ್ಕ, ಪುಟ್ರಾಜ, ನಾಗಣ್ಣ, ನಾಗಣ್ಣುನಮ್ಮ ಮರಕ್ಕ, ಸೆಂಕ್ರುನ್ ಅಮ್ಮ ಅಬ್ಬ ಇಸ್ಟ್ ಜನ ಒಂದ್ಗುಂಪಾದ್ರು. ಕಟ್ಟಗಂಟ ದ್ವಡ್ದಾರಿಲಿ ನ್ಯಡ್ಕಂಡೋಗಿ ಅಲ್ಲಿಂದ ಕಾಲ್ದಾರಿದಿಕ್ ತಿರ್ಗುದ್ರು. ಏನೇನೋ ಮತಾಡ್ತಿದ್ದವ್ರು ಎಲ್ಲಿಲ್ಲಿಂದ್ಲೋ ಸುತ್ತಾಕ್ಕಂಡ್ಬಂದು ಕ್ವನ್ಗ ರಾಜ್ಕುಮರುನ್ ಇಸ್ಯ ತಕ್ಕಂಡ್ರು.
ಇಲ್ಲಕಾ ತಮ್ಮಂ – ಸಿಂಗಾನಲ್ಲೂರ್ನ್ ಪುಟ್ಸಾಮಗ ಸರ್ಯಾಗ್ ವಟ್ಗೆ ಇರ್ನಿಲ್ಲ. ಊರುರ್ನ್ ಮಲೋಗಿ ನಾಟ್ಕ ಮಡ್ಕಂಡು ಜೀವ್ನ ಮಡ್ತಿದ್ದ , ತಿಳ್ಕ. ನಾವೊಂದ್ಸಲ ಮಂಬಳ್ಳಿಗೋಗಿದ್ದಾಗ ಅಲ್ಲಿಗೈ ಇವ್ರ್ ನಾಟ್ಕುದ್ ಕಂಪ್ನಿ ಬಂದಿತ್ತು. ಕರ್ಗಾಗೋಡ್ರು , ಪೋತಣ್ಣವ್ರು ನನ್ ಅಲ್ಲಿಗ್ ಕರ್ಕಂಡೋಗಿ ಪುಟ್ಸಾಮಿ ಗೌಡುನ್ಗ ನನ್ ತೋರ್ಸಿ ಇವ್ರು ಮಗ್ಲುಂಡಿ ದಾಸಗೌಡ್ರು ಅಂತ. ನಮ್ಮವ್ರಿಂ ಅಂತ ಂಳುದ್ರು. ಪುಟ್ಸಾಮಿಗೌಡ ಕಂಸುನ್ ಯಸ್ದಲ್ಲಿದ್ದವ ನಂಗ ಕೈ ಮುಗ್ದ , ನಾನು ನನಗ್ಯಾಕ ಅಳಿ ಕೈಮುಗ್ದರೀ ನಾ ನಿಮ್ಗಿಂತ ಚಿಕ್ಕಂವ, ನೀವು ಕೈಮುಗುದ್ರ ನಂಗ ಸ್ರೇಯಸ್ಸಲ್ಲ ಅಂತ ನಾನು ತಿರ್ಗಿ ಕೈಮುಗ್ದಿ. ಅಸ್ಟೊತ್ಗ ನಾರ್ದುನ್ ಯಸ ಆಕ್ಕಂಡು ಅವ್ರ್ ಮಗ್ ಬಂದ. ಯನ ಒಳ್ಳಿ ರಾಜ್ ಕಳೈ , ಮ್ವಕ ವಳ್ಳಿ ಸುಂಂದ್ ಬಾಗ ಚಂದ್ರೊಂದ್ ಬಾಗ ಅನ್ನಾಗ್ ಉರಿತಿರದು. ಕರ್ಗಗೋಡ್ರು ಅವ್ನ್ ಕರ್ದು ಅವುನ್ಗ ನನ್ನೆಸ್ರೇಳಿ, ಪುಟ್ಸಾಮಿಗೌಡ್ರ ಮಗ ಮುತ್ತಪ್ಪ ಅಂತ ಅಂದ್ರು. ಆಗಂದೇಟ್ಗಿಂ ಒಳ್ಳಿ ಅಕ್ಕಿ ಮರಿ ಬಾಯ್ಬುಡಲ್ವ ಆಗ್ ಬಾಯಬುಟ್ ನೆಗ್ನಾಡ್ದ. ನಾನು ನೆಗ್ನಾಡ್ದಿ. ನಂಗ ಅವ್ನ್ ಮ್ವಕ ನೊಡಿ ಮತಾಡಕೆ ಬಾಯ ಬರ್ನಿಲ್ಲ. ಬರೀ ನೋಡ್ತಲೇ ಇರ್ಬೇಕು ಅನ್ನುಸ್ಬುಡ್ತು. ಅವ್ನೆ ಬಾಯ ಬುಟ್ಟು ಅದ್ಯಾರ್ಗ್ಯ ಂಳ್ ಕಳ್ಸಿ ಆಲ್ ತರ್ಸ್ ಕೊಟ್ಟ. ಅದ ಕುಡ್ಕಂಡು ಬ್ಯಳ್ಗಾನ ಕುತ್ಗಂಡು ಕಿಸ್ಣಲೀಲಾ ನಾಟ್ಕ ನೋಡ್ದಿ. ಪಾರ್ಟು ಅಂದ್ರಾ ನ. ಪೂರ್ತಿ ನಾಟ್ಕ ಕಳ ಕಟ್ಟು ದ್ದಿಂ ಇವ್ರ್ ಅಪ್ಪ ಮಕ್ಳಿಂದ ಅಂದ್ರ ಕಣಾ, ರಾಜ್ಕುಮರುನ್ ತಮ್ಮ ವರ್ದಪ್ಪ ಅಂತ ಮಕ್ರಂದುನ್ ಪಾರ್ಟ್ ಐನಾತ್ಯಾಗ್ ಮಡ್ದ, ರಾಜ್ಕುಮರ್ನ್ ತಂಗ ವಬ್ಳು ಸ್ಯಾರ್ದಮ್ಮ ಅಂತ, ಕ್ರಿಸ್ಣುನ್ ಪಾರ್ಟ್ ಆಕ್ಕಂಡು ಪದಾಂಳ್ತ ಟೇಜುನ್ ಮಕ್ ಬಂದೇಟ್ಗೆ ಜನಾಯಲ್ಲಾ ಲ್ವಚ್ಗರೀತ ಮಕ್ಕೆದ್ಬುಡ್ತು ಕಣಾ, ಏನಾ ಒಂದ್ ನಾಕೈದ್ ವರ್ಸ ಇರ್ಬೈದು ಅದೇನ್ ಚಂದಾಗ್ ಮಟ್ಟಾಡ್ತು ಅಂದೈ, ಅಪ್ಪಾ ಮಕ್ಳೆಲ್ಲುರ್ದು ಒಳ್ಳಿ ಕಂಟ. ಅದಾದ್ ಏಡ್ ಮುರ್ ವರ್ಸುಕಿಂ ಇಂವ ಬೇಡ್ರ್ ಕಣ್ಣಪ್ಪ ಅನ್ನ ಸಿನುಮದಲ್ಲಿ ಪಾರ್ಟ್ ಮಡ್ತವ್ನ ಅಂತ ಕರ್ಗಗೌಡ್ರೇಳುದ್ರು. ಅದ್ರಲ್ಲು ಚಂದಾಗೇ ಮಡಿದ್ದ. ಆಗ್ ನೋಡುದ್ಕ ಅವ್ನ ತಿರ್ಗ, ಸರ್ಕಾರ ಈ ಯಂಡುದ್ ಬಾಬ್ ನಿಲ್ಲುಸ್ಬುಡ್ತಾರ ಅಂತ ನಮ್ಮವ್ರೆಲ್ಲ ಸೇರ್ಕಂಡು ಮೈಸುರ್ಲಿ ಎಂಟತ್ ದಿನ್ಗಂಟ ಮತುಕತ ಮಡುದ್ರುನೋಡು. ಅಲ್ಲಿಗು ಒಂದಿನ ರಾಜ್ಕುಮರುನ್ ಕರ್ಸಿದ್ರು. ಗಂಡ, ಎಡ್ತಿ, ತಮ್ಮ ಯಲ್ಲ ಒಟ್ಗೆ ಬಂದಿದ್ರು. ಆಗೊಂದ್ಸಲ ಅವ್ನ ದಂಡಲ್ ನಿಂತ್ಗಂಡ್ ನೋಡ್ದಿ. ಆಗುವೀ ಅವ್ನ ಮತಾಡ್ಸಿ ಮಂಬಳ್ಳಿ ದಂಡ ಊರ್ಲಿ ಅವ್ನ್ ಜ್ವತಲ್ ಮತಾಡ್ಕಂಡು, ಆಲ್ಕುಡುದ್ದ ಂಳ್ಬೇಕು ಅಂತ ಅನ್ನುಸ್ತು. ಆಜನ ಮತಾಡಾಕ್ ಬುಟ್ರ? ಬುಡ್ನಿಲ್ಲ. ಅವ್ನುವೀ ನನ್ನ ನೋಡಿ ನೆಗ್ನಾಡ್ದ. ನಮ ಪುಟ್ರಾಜ ಆಗ ಇನ್ನು ಮೊಗ. ಅವ್ನ್ ಎತ್ಗಂಡ್ ನಿಂತಿದ್ದಿ. ಅವ್ನ ಕರ್ಕಂಡು ಮುತ್ತಿಕ್ಕಂಡು ಅವ್ನ್ ಕೈಗ ಅತ್ರುಪಾಯ ಕೊಟ್ಟ. ಅದೇನ್ಯಾರ ಆಗ್ಲಿ ಅಂವ ನಮ ಜಾತೀಲ್ಲುಟ್ಟುದ್ದೇ ನಮಜಾತಿಯವ್ರ್ಗ ಒಂದ್ ಗೌರವ. ಪುಣ್ಯಾತ್ಮುನ್ ಂಗ ಚಂದಗದ ಅಂದ. ಪುಟ್ರಾಜುನ್ಗ ಪಿಚ್ಚೇರ್ ಅಂದ್ರ ಗ್ವಂಬ್ಗಳು ಅನ್ನ ಅನುಮನ ಪೂರ್ತಿ ವಂಟೋಯ್ತು. ನಾನು ನಮ ತಾತುನ್ ಕರ್ಕಂಡೋಗಿ ಒಂದ್ಸಲ ರಾಜ್ಕುಮರುನ್ ನೋಡ್ಕಂಬರ್ಬೇಕು ಅನ್ನುಸ್ತು.
ಅಸ್ಟೊತ್ಗ ಅರ್ವಯಿಂದ ನಮೋ ವೆಂಕಟೇಸ, ನಮೋ ತಿರುಮಲೇಸ ಅಂತ ರಿಕಾಡ್ ಕೇಳುಸ್ತು. ಆಗ ದಾಸಣ್ಣ ರಿಕಾಡಾಕ್ಬುಟ್ಟ ಅಜ್ಗಳ ತುಯ್ಕಂಡು ಬಿರ್ ಬಿರ್ನ್ ಬನ್ನಿ ಅಂದ. ಯಲ್ರು ಜೋರಾಗ್ ನ್ಯಡ್ಯಕ್ ಸುರು ಮಡುದ್ರು. ಅವ್ರ್ ಜ್ವತಲಿ ನ್ಯಡ್ಯಕಾಗ್ದೆ ಪುಟ್ರಾಜ, ನಾಗಣ್ಣ , ಸ್ಯಂಕ್ರ ಮುರ್ ಜನುವಿ ಓಡಾಕ್ ಸುರು ಮಡುದ್ರು. ತಿಂಗುಳ್ ಬೆಳುಕ್ಲಿ ಕಾಲ್ ದಾರೀಲಿ, ಬಿರ್ ಬಿರ್ನ ನ್ಯಡ್ಯಾಗ ವಬ್ಬುರ್ ಕಾಲ್ಗೊಬ್ರು ಸಿಕ್ಕಿ, ಏಡ್ ಮುರ್ ಜನ ಉತ್ವಲ್ದಲ್ ಬಿದ್ ಬಿದ್ ಎದ್ ನ್ಯಡುದ್ರು. ವಬ್ಬೊಬ್ರು ಬಿದ್ದಾಗ್ಲು ಮ್ಯಲ್ಗಕವ್ವ ಮ್ಯಲ್ಗಕಪ್ಪ ಅಂತ ಯಲ್ಲ ಕುಗ್ಕಂಡ್ರುವೀ ಯರು ಮ್ಯಲ್ಲುಗ್ ನ್ಯಡನಿಲ್ಲ. ಮುರ್ ನಾಕ್ ರಿಕಾಡ್ ಮುಗ್ಯದ್ರೊಳ್ಗ ಯಲ್ರು ಟೆಂಟುನ್ ದಂಡ್ಕೋದ್ರು. ಮುಂದ ಸೈಕಲ್ಲೋಗಿದ್ ತುಂಡೈಕ್ಳು ಎಲ್ರುಗು ತಿಕಿಟ್ ತಕ್ಕಂಡು ಕಾಯ್ಕಂಡಿದ್ದೊ. ಇನ್ನುವಿ ಗಾಡಿಲೊಂಟಿದ್ದವ್ರು ಬಂದ್ ಸೇರಿರ್ನಿಲ್ಲ.
ತುಂಡೈಕ್ಳು ಅಂಗ್ಡೀಲಿ ಮಿಟಾಯ್ನು – ಕಾರಾಸೇವಾನು ತಗ್ದಿಡ್ಕಂಡು ಅವ್ರವ್ರ್ ಮದುವ್ಯಾಗ್ಬೇಕಾದ್ ಎಣ್ಣೆ ಕ್ಳುಗ ಕೊಡಕ ಅಂತ ಕಾಯ್ಕಂಡಿದ್ರುವಿ ಅದಾ ಯಗು ಕಾಣ್ದಾಗ್ ಕೊಡ್ಬೇಕ್ಕಾದ್ರಿಂದ ಯಗ್ಯಾಗೋ ಕೈಸನ್ನ ಬಾಯ ಸನ್ನ ಮಡಿ ಜನುದ್ ಗುಂಪ್ಲಿ ಮ್ಯತ್ ಮ್ಯತ್ಗ್ ತಂದು ಯರ್ಗು ಗೊತ್ತಾಗ್ದಾಗೈ ಕೈಗ್ ತುರುಕ್ಬುಟ್ಟು ಯನು ಗೊತ್ತಿಲ್ದಂಗ್ ವಂಟೋಯ್ತಿದ್ರು. ಅದೆಲ್ಲನುವೀ ಪುಟ್ರಾಜ ಕದ್ದು ಕದ್ದು ನೋಡ್ತಿದ್ದ. ಅಂವಾ ನೋಡ್ದಾಗ ಅವ್ರು ಯರ್ಗು ಂಳ್ಬಾ ಡ ಅಂತ ಸನ್ನ ಮಡ್ತಿದ್ರು. ಇಂವ ಯನು ಗೊತ್ತಿಲ್ದಂಗೈ ಸುಮ್ನಿದ್ರುವಿ ಉಪ್ಪುಲ್ಗೇರಿ ಚನ್ನ ಈಡುಗ್ಗೇರಿ ಕಮಲಾಕ್ಸಿ ಕೈಗ ಅದೇನೋ ತುರುಕ್ಬುಟ್ಟು ಯರ್ಗು ಗೊತ್ತಿಲ್ದಾಗ ಕಣ್ಣೊಡ್ದ್ ಬುಟ್ ಓದ್ದ್ ಮತ್ರ ಪುಟ್ರಾಜುನ್ಗ ತಡ್ಕಳಕಾಗ್ನಿಲ್ಲ. ಅದ ಮ್ಯತ್ಗ ನಾಗಣ್ಣುನ್ಗೇಳ್ದ. ಅದ್ಕ ನಾಗಣ್ಣ ಅಂವ ಇವ್ಳ ಮಡೀಕಂಡವ್ನ. ಅಂದ್ಬುಟ್ಟು ನೆಗ್ನಾಡ್ದ. ಅಸ್ಟೊತ್ಗ ಗಾಡ್ಗಳ್ ಬಂದೋ ಅಂದ ದಾಸಣ್ಣ. ಯಲ್ಲ ಅತ್ತಾಗೋದ್ರು. ಯಲ್ಲ ಇಳುದ್ಮಾ ಲ ಎತ್ಗಳ ಮರ್ಗಳುಗ್ ಕಟ್ಟಾಕ್ಬುಟ್ಟು ಅವ್ಕ ಗಾಡೀಲ್ ತಂದಿದ್ ಉಲ್ಲಾಕ್ಬುಟ್ಟು ಯಲ್ರುವಿ ಟೆಂಟ್ನ್ವಳಕ್ಕೋದ್ರು. ಅದ್ರಲ್ಲಿ ಯಪ್ಪತ್ ಪೈಸುದ್ ನ್ಯಲ್ಕೋದವ್ರೆ ಎಚ್ಚು. ದಾಸಣ್ಣ ಮತ್ರ ಅವ್ರಟ್ಟಿಯವ್ರ್ಗೆಲ್ಲ ಒಂದ್ ರೂಪಾಯ ಕುರ್ಚಿಗೆ ತಿಕೀಟ್ ತಗಸಿದ್ದ.
ಯಲ್ರು ಓಗ್ ಕುತ್ಗಂಡ್ ವಸಿ ಒತ್ಗ ಸ್ಯಾಂಪಲ್ ಸುರುವಾಯ್ತು. ಒಂದತ್ ನಿಮ್ಸುದ್ ಮಲ ಸಿನ್ಮ ಸುರ್ವಾಗಿ ರಾಜ್ಕುಮರ ರೈಲುನ್ಮಾ ಲ್ ಬಂದಿಳ್ದು ರಿಕಾಡೇಳ್ಕಂಡು ಬತ್ತಿದ್ದ. ಅಂವ ಅದ್ಯಾವ್ದೋ ಒಂದ್ ಮೊಗ್ವ ಎತ್ಗಂಡು ಅದ್ಕ ಮುತ್ತಿಕ್ದಾಗ ಪುಟ್ರಾಜ ತನ್ ಕ್ಯನ್ನ ಮುಟ್ ನೋಡ್ಕಂಡ. ನನ್ಗು ಇಂಗೆ ಮುತ್ತಿಕ್ಕಿರ್ಬೇಕು ಅಂತ ಅವ್ನುಗ್ ಕುಸಿಯಗೋಯ್ತು. ರಾಜ್ಕುಮರ ನನ್ ದ್ವಡ್ಡಬ್ನೋ – ಚಿಕ್ಕಬ್ನೋ ಇರ್ಬೇಕು ಅಂತ್ಲೆ ತಿಳ್ಕಂಡು ಸಿನ್ಮ ನೋಡ್ತಿದ್ದ. ಅದ್ರಲ್ಲುವಿ ಕಡಲಿ ಯಲ್ರು ರಾಜ್ಕುಮರ್ನ ಬೋದ್ಬುಟ್ಟು ಅಟ್ಟಿ ಬುಟ್ ಕಡಸ್ದಾಗ ಪುಟ್ರಾಜುನ್ಗ ಅಳ್ವೇ ಬಂದ್ಬುಡ್ತು. ಅತ್ಗಂಡೇ ಈಚುಗ್ ಬಂದ. ಅಸ್ಟೊತ್ಗ ಮಂಜ್ ಬೀಳಕ್ ಸುರ್ವಾಗಿ ಯಲ್ರುಗು ಸಳಿ ಇಡ್ಕತು. ಡೇ ಸ್ವಾಮಿ ನಿದ್ದ ವತ್ತು. ನೀನು ನಿಮ್ಮಜ್ಜಿ ಜ್ವತಲಿ ಗಾಡಿಮಲ್ ಬಾ. ನಿದ್ದ ಮಡ್ಬೆ ದು ವೋಗು ಗಾಡಿ ಅತ್ತು ಅಂದ ದಾಸಣ್ಣ. ಪುಟ್ರಾಜುನ್ಗ ನ್ಯಡ್ಕಂಡೇ ವೋಗ್ಬೇಕು ಅನ್ಸುದ್ರುವಿ ಅರ್ದದಾರೀಲಿ ನಿದ್ದ ಬಂದ್ಬುಟ್ರ? ಅಂತ ನಾಗಣ್ಣುನ್ ಕರ್ಕಂಡು ಗಾಡಿ ಅತ್ದ.
ಮಗ್ಲುಂಡಿ ದಿಕ್ಕಾ ಪರ್ಸೈ ವರುಡ್ತು. ಯಲ್ರ್ ಬಾಯ್ಲು ಬಂಗಾರುದ್ ಮನ್ಸುಂದೇ ಸುದ್ದಿ. ಅಸ್ಟ್ ಕಸ್ಟ್ಪಟ್ ಪಲ ಏನ? ಯಲ್ರು ಅಸ್ಟಿ ಂ ಅವ್ರವ್ರ್ ಬ್ಯಾಳ ಬೇಯಗಳಗಂಟ್ಲಿಂ. ಆ ಮಲ ಯರ್ಗ್ಯಾರ ಉಚ್ಚಪ್ಪ ಅಂತ. ಅಂತ ಯಲ್ರುವೀ ಅದ್ರ್ ಬಗ್ಗಿಂ ಮತಾಡ್ತಿದ್ರು. ದಾಸಣ್ಣ ಂಳ್ದಂಗಿಂ ಪುಟ್ರಾಜುನ್ಗ ಒಂದರ್ದ ಗಂಟಲಿ ನಿದ್ ಬಂದ್ಬುಡ್ತು. ಅವ್ನ್ ಸಪುಂದಲ್ಲಿ ರಾಜ್ಕುಮರ ಬಂದು ಅವುನ್ ಜ್ವತಲಿ ಆಟ ಆಡ್ತಿದ್ದ. ಅವ್ನ್ ಕರ್ಕಂಡೋಗಿ ಸ್ವರ್ಗ್ದಲ್ಯಲ್ಲಾ ಸುತ್ತಾಡುಸ್ತಿದ್ದ.
ಏಳು
ಮಗ್ಲುಂಡಿಲಿರಾದು ಎಚ್ಚು ಕಮ್ಮಿ ಮುನುರ್ ಮನ್ಗಳು. ಅದ್ರಲ್ಲಿ ಈ ಉಪ್ಪುಲ್ಗೇರಿಯವೇ ಒಂದು ಇನುರೈವತ್ ಮನ್ಗಳಿರ್ಬೈದು. ಇನ್ನುಳ್ದ ಐವತ್ ಅರ್ವತ್ ಮನ್ಗಳಲ್ಲಿ ಈಡುಗ್ಗೇರಿಯವ್ರವು, ಕ್ವರುಮ್ಗೇರಿಯವ್ರವು, ಒಂಚುರ್ ಎಚ್ಚು ಕಮ್ಮಿ ಸಮಸಮಗ ಮುವತ್ ಮುವತ್ ಮನ್ಗಳು, ಈ ಮುರ್ ಕೇರಿಯವ್ರ್ಗುವೀ ಮಗ್ಲುಂಡಿಯಿಂದ ಆಚ್ಗ ಸುಮರ್ ಒಂದ್ ಮೈಲಿ ದುರ್ದಲ್ಲಿ ಅಳ್ಳುದ್ ಮೊಗ್ಲಲ್ಲಿ, ಮುರ್ ಗುಂದಿ ಬಾವ್ಗಳವೈ, ಅದ್ರಲ್ಲಿ ಒಂದ್ ಉಪ್ಪುಲ್ಗೇರಿಯವ್ರದು. ಒಂದ್ ಈಡುಗ್ಗೇರಿಯವ್ರದು, ಇನ್ನೊಂದು ಕ್ವರುಮಗೇರಿಯವ್ರದು. ಈ ಮುರು ಬಾವ್ಗಳ್ಗು ಇರ ದುರ ಅಂದ್ರ ಒಂದ್ ಐದಾರ್ ಮರು ಅಸ್ಟೀಂ. ಒಬ್ಬುರ್ ಬಾವ್ಗ ವಬ್ರೋಗಾಗಿಲ್ಲ. ವೋಗ್ಬೇಕಾದ್ ಕಾರ್ಣು ಇರ್ನಿಲ್ಲ ಅನ್ನಿ. ಅಗುಸ್ರಟ್ಟಿಯವ್ರು ಉಪ್ಪುಲುಗ್ರ ಬಾವೀಲಿ ನೀರ್ ಸೇಯ್ಕಂಡ್ರ, ಚಿನ್ಗೆಲ್ಸದವ್ರು ಕ್ವರುಮ ಬಾವಿಲಿ ನೀರ್ ಸೇಯ್ಕತರ. ಜಾಡ್ಮಲಿ ರಂಗುನ್ ಅಟ್ಟಿಯವ್ರು ಯವ್ ಬಾವೀಲಿ ಜನ ನೀರ್ ಸೇಯ್ತಿರ್ತಾರೈ ಅಲ್ಲಿಗೋಗಿ ಅವ್ರ್ ಅರ್ಬಿಗ ನೀರುಯಿಸ್ಕಂಡೋಯ್ತರ. ಅವ್ರು ಯರ್ ಬಾವೀನು ಮುಡುಸ್ಕಳ್ಳ ಆಗಿಲ್ಲ. ಆದ್ರ ಈ ಮುರ್ ಬಾವೀ ಮಲೂ ಸಮನವಾದ್ ಅದಿಕಾರ ಇರದು ಅಂದ್ರ ಸಾಬ್ರಟ್ಟಿಯವ್ರ್ಗ. ಬೆಳ್ಳುಳ್ಳಿ ಸಾಬ್ರ್ ಮಗ ಪಾಯ್ಸ, ಸೈಕಲ್ಗ ಚಲುಗ್ಗಳ್ ಕಟ್ಗಂಡು ಅವುನ್ಗಿಸ್ಟ ಬಂದ್ ಬಾವೀಲಿ ನೀರ್ ಸೇಯ್ಕಂಡು ಮ್ಯಡುಗಾರ್ಕೈ ಮಡ್ಕಂಡೋಯ್ತನ. ಇವ್ನಾದ್ರು ಎಸ್ಟೊ ವಾಸ. ಇವುನ್ ತಮ್ಮೊಬ್ಬವ್ನೆ . ನೂರು ಅಂತ. ಅವ್ನ್ ದಿಮಕ್ ನೋಡ್ಬೇಕು. ತಿಮ್ಮಜ್ಜಿ ಮತ್ಲೇ ಂಳೋದಾದ್ರೈ ಆ ನುರು ತಲಲೇ ನ್ಯಡತನಕಪ್ಪ ಸೈಕಲ್ಲುನ್ಮಾ ಲ್ ಕುತ್ಗಂಡ್ರ ಇವಾನುದ್ಮಾ ಲ್ ವಾದಂಗೋಯ್ತನ ಅಂವಾ, ಈ ಆಟ ಆಡದು ಬೂಮಿಮಲ್ ಬಾಳಕ್ಯಲ್ಲ, ಯಡಂತ್ರದಲ್ಲಿ ಯಮುದ್ ಪಟ್ನಕ್ಕೋಗ್ ನುಕ್ಕಳಕ್ಕೆ ಅಂತ ನುರುನ್ನ್ಗೈ ಅರ್ದಾಯ್ಸುನ ಅಣಾಬರಾ ಬರತಳ ತಿಮ್ಮಜ್ಜಿ.
ಇವತ್ತು ಆಯವಾರಾ, ಪುಟ್ರಾಜ ಅಟ್ಟೀಗ ನೀರ್ ತುಂಬಿ ಅಟ್ಟಿಕೆಲ್ಸದಲ್ಲಿ ಅಮ್ಮುನ್ಗ ನ್ಯರ್ವಾಗ್ಬೇಕೂಂತ ಕಮಲಾಕ್ಸಿ ಜ್ವತಲಿ ನೀರುಗ್ ಬತ್ತಿದ್ದ. ಅವ್ನ್ ಎದುರ್ನಿಂದ ಸೈಕಲ್ಮಲ ನೀರ್ ಏರ್ಕಂಡು ನುರು ಬತ್ತಿದ್ದಂವಾ ಇದ್ಯಾನ ಪುಟ್ರಾಜೈ ನೀನು ನೀರುಗ್ ಬತ್ತಿದೈ, ಮಡು – ಮಡು ಅಂದ್ಕಂಡು ಸೈಕಲ್ ನಿಲ್ಲುಸ್ದ. ಇವ್ರು ನಿಂತ್ಗಂಡ್ರು. ಅಂವ ಮತಾಡ್ಬೇಕಾಗಿದ್ದುದು ಕಮಲಾಕ್ಸಿ ಜ್ವತಲಿ. ಪುಟ್ರಾಜುನ್ ಮತಾಡ್ಸುದ್ದು ಅವ್ಳ್ ಜ್ವತಲ್ ಮತಾಡಕ್ ಒಂದ್ ನ್ಯವ ಅಸ್ಟಿಂ. ಇವ್ರ್ ನಿಂತೇಟ್ಗಿಂ ಸುತ್ತಾ ನೋಡ್ಬುಟ್ಟು ಯರು ಇಲ್ದೆ ಇದ್ದುದ್ರಿಂದ ಗಣುಗ್ಲಮರ್ದ್ ಪ್ವಟ್ರಲಿ ಮಡ್ಗೀವ್ನಿ ತಕ್ಕಾ ಅಂತ ನೆಗ್ನಾಡ್ಕಂಡ್ ವಂಟೋದ. ಕಮಕ್ಸುವೀ ನೆಗ್ನಾಡ್ಕಂಡು ಹುಂ ಯರ್ಯಾರು ನೋಡ್ತರೈ ಸುಮ್ನೆವೋಗು ಅಂದ್ಬುಟ್ಟು ಬರಬರ್ನಾಯ ಬಾವಿದಿಕ್ ನ್ಯಡುದ್ಲು. ಅವ್ಳಿಂದ್ಗುಂಟ ಪುಟ್ರಾಜ್ನುವೀ ನ್ಯಡ್ದ.
ಕಮಲಾಕ್ಸಿ, ಸಿಂಬಿಯಗ್ಸುತ್ತಿದ್ದ ಅಗ್ವ ಬುಡುಸ್ಕಂಡು ಕುಣ್ಕತಗ್ದು ಚಲುಗೈ ಕತ್ಗಾಕಿ ಬೀರಿ, ಬಾವಿಮಲಾಸಿದ್ ಕಲ್ಗಳ್ ಮಲ್ ಅತ್ ನಿಂತ್ಗಂಡು, ಸ್ವರ್ರನ್ ಅಗ್ಗ ಬುಟ್ಲು. ಚಲುಗ ವಳಕ ನೀರು ಗುಳುಂ ಗುಳುಂ ಅಂತ ತುಂಬ್ತಿತ್ತು. ಆಗ ಅಗ್ವ ಮಕೆತ್ತಿ ಎತ್ತಿ ಚಲುಗ್ಯ ನೀರ್ನಿಂದ ಮಕ್ಕು ಕ್ಯಳಕು ಕುಲುಕ್ತಾ ನೀರ್ ತುಂಬ್ಸಿ ಯಳ್ದು ಅಂಡವಳಕ್ ಏಡ್ ಚವ್ರ್ಗ ಊದು, ಮುರ್ನೇದ ಆಗೇ ಮಡ್ಗಿ ಕ್ವನಲಿ ಪುಟ್ರಾಜುನ್ ಚಲುಗ ಕಟ್ಟಿ ನೀರ್ ತುಂಬಿಟ್ಬುಟ್ಟು ಅತ್ತಾಗು ಇತ್ತಾಗು ನೋಡುದ್ಲು. ಯರು ನೀರುಗ್ ಬತ್ತಿರ್ನಿಲ್ಲ. ಮ್ಯತ್ಗ ಗಣುಗ್ಲ ಮರ್ದ್ ಪ್ವಟುರ್ಗ ಕೈಯಕಿ ಕಾಗುದ್ದಲ್ಲಿ ಸುತ್ತಿಟ್ಟಿದ್ ಕಲ್ಸ್ಯಕ್ರ ತಕ್ಕಂಡು ಅದ್ರಲ್ಲಿ ಏಡ್ ಚುರ್ ಮುರ್ಕಂಡು ಒಂದ ಪುಟ್ರಾಜುನುಗ್ ಕೊಟ್ಟು , ಇನ್ನೊಂದ ತನ್ ಬಾಂಸ್ಕಂಡು ಉಳ್ದ ಕಲ್ಸ್ಯಕ್ರ ತಗ್ದು ತನ್ ಸೀರ ಸೆರುಗ್ಲಿ ಗಂಟಾಕ್ಕಂಡ್ಲು.
ಪುಟ್ರಾಜ ಕಲ್ಸ್ಯಕ್ರ ದವ್ಡಲಿ ಒತ್ರುಸ್ಕಂಡು ಸೀಪ್ತ ನೆಗ್ನಾಡ್ದ. ಕಮಲಾಕ್ಸುವೀ ಅವ್ನ್ ನೋಡಿ ನೆಗ್ನಾಡುದ್ಲು. ಪುಟ್ರಾಜು ನಿಂಗೊಂದ್ ತೋರುಸ್ತೀನಿ ಯರು ಂಳ್ಬಾರ್ದು, ನಿಂಗೈ ಅರುಗ ಪಿಚ್ಚೇರ್ಗೋದಾಗ ಮಿಟಾಯ ತಗುದ್ಕ್ವಡ್ತೀನಿ ಯರ್ಗು ಂಳೈಲ ಅಂತ ನನ್ ತಲಮುಟ್ ಆಣ ಮಡು ಅಂತ ಪುಟ್ರಾಜುನ್ ಕೈಯ ತಗ್ದು ತನ್ ತಲಮಲಿಟ್ಕಂಡ್ಲು. ಪುಟ್ರಾಜ ನಿನ್ನಾಣ್ಗು ಯರ್ಗು ಂಳೈಲ ಅಂದ.ಅವುನ್ ಮನುಸ್ಲಿ ನಾಗಣ್ಣುನ್ನೊಬುನುಗ್ಬುಟ್ಟು ಅಂತ್ಲು ಅಂದ್ಕಂಡ. ಕಮಲಾಕ್ಸಿ ಕಲ್ಸ್ಯಕ್ರ ಸುತ್ತಿದ್ ಕಾಗದ್ವ ಅವುನ್ ಕೈಗ್ಕೊಟ್ಟು ಇದೊಸಿ ಓದೇಳು ಅಂದ್ಲು. ಅದ ಇಡ್ಕಂಡ್ ಪುಟ್ರಾಜುನ್ಗ ವಿದ್ಯಾವಂತ್ರು ಅವಿದ್ಯಾವಂತ್ರಿಗೆ ತಮ ಕೈಲಾದ್ ಸಹಾಯ ಮಡ್ಬೇಕು ಅಂತ ಕಚ್ಚಾ ಮೇಸ್ಟ್ರು ಂಳಿದ್ದು ಗೆಪ್ತಿಗ್ ಬಂದು, ಓದಕ್ ಸುರು ಮಡ್ದ. ಕಮಲಾಕ್ಸಿಗ ನುರು ತಿಳ್ಸದೇನಂದ್ರ ನಾನು ನಾಳ್ಗ ಊರ್ಗೋಗುತ್ತಿದ್ದೀನಿ. ಇನ್ನೊಂದು ತಿಂಗ್ಳು ನಿನಗೆ ಸಿಕ್ಕೋಕಾಗಲ್ಲ, ಅದುಕ್ಕೆ ಇವತ್ ರಾತ್ರಿ ವಂಬತ್ ಗಂಟ್ಗೆ ಇಸುಲ್ ಮನ ಇಂದಿರೋ ಕಡ್ಡಿ ತ್ವಾಟ್ದಲ್ಲಿ ನಿನ್ ಕಾಯ್ತಿರ್ತೀನಿ ತಪ್ಪುಸ್ಬಾ ಡಾ. ಈ ಕಾಗ್ದ ಓದುಸ್ದೇಟ್ಗೆ ಅರ್ದಾಕು, ನಿನ್ನ ನುರು ಪುಟ್ರಾಜು ತಲಂತ್ ಅವುಳ್ ನೋಡ್ದ. ಅವ್ಳು ಅದ ಈಸ್ಕಂಡು ಬರ್ರಬರ್ನ ಅರ್ದು ಬೇಲೀವಳಕ್ ಯಸುದ್ಬುಟ್ಟು ಬಾವಾಗೌಂವ್ ಅಂತ ಪುಟ್ರಾಜುನ್ ತಲಮಲ ಚಲುಗ ಎತ್ ಮಡುಗ್ಬುಟ್ಟು ತನ್ನಂಡ್ಯ ತಲಮಲೊತ್ಗಂಡು ಚಲುಗ್ಯ ತಗ್ದು ಕಂಕುಳ್ಗೆರಿಕಳಾಕ್ವಾದ್ಲು. ಅಸ್ಟೊತ್ಗ್ ಜಾಡ್ಮಲಿ ರಂಗ್ನೆಡ್ತಿ ಕಮಲವ್ವೋ ಕಮಲವ್ವಾ ಯರು ಇಲ್ಲ ನಂಗೇಡ್ ಚಲುಗ ನೀರ್ ಸೇದ್ಕೊಟ್ಟ್ಬುಟ್ಟೋಗೌವ್ವೋ ಅಂತ ಕುಗ್ತ ಓಡ್ಬತ್ತಿದ್ಲು. ಇವ್ಳೊಬ್ಳು ಯವಾಗ್ಲು ಅಂಡ್ಯ ತಲಮಲೊತ್ಗಂಡ್ಮಲೆ ಬತ್ತಳೈ, ಅಯ ಬಿರ್ನ್ ಬಾ ರಂಗೀ ಅಟ್ಟಿಕ್ಯಲ್ಸ ಆಗೇ ಬಿದ್ದುದ. ಬಿರ್ನ್ವಾಗ್ಬೇಕು ಅಂತ ಚಲುಗನುವೀ ಅಂಡನುವೀ ಕ್ಯಳಕಿಳಿಸಿ ಅದೇ ನೀರ ತಗ್ದು ರಂಗೀ ಅರುವೀಗುದ್ಲು. ರಂಗೀ ಬತ್ತೀನಿ ಕವ್ವೋ ಅಂತ ಅರವೀ ವೊತ್ಗಂಡೊಂಟೋದ್ಲು. ಪುಟ್ರಾಜ ಚಲುಗ್ಯ ತಲಮಲೊತ್ಗಂಡು ಅಂಗೇ ನಿಂತಿದ್ದ. ಕಮಲಾಕ್ಸಿ ತಿರ್ಗ ಏಡ್ ಚಲುಗ ನೀರ್ ಸೇಯ್ಕಂಡು ಅದ ಒತ್ಗಂಡು ನ್ಯಡೈ ಪುಟ್ರಾಜು ಅಂದ್ಲು.
ಪುಟ್ರಾಜು ಮುಂದ್ ಮುಂದೈ ಕಮಲಾಕ್ಸಿ ಇಂದಿಂದ ನೀರೊತ್ಗಬತ್ತಿರೌರು. ಪುಟ್ರಾಜ ಕೇಳ್ದ ಅಕ್ಕಾಯ ರಂಗೀಯಕ ನೀರ ತಾನೇ ಸೇಯ್ಕಳಲ್ಲ ಅಂತ. ಅಯ ಅವ್ಳು ಜಾಡ್ ಮಲ್ಯಲ್ವ? ಅದ್ಕ ಅವ್ಳು ಬಾವಿ ಮುಡಸ್ಕಬಾರ್ದು ಕಂ ಅಂದ್ಲು. ಮುಡುಸ್ಕಂಡ್ರಾ ನಾದ್ದು ಅಂದ. ಅಯ ಬುಡ್ತು ಅನ್ನಪ್ಪ ಅವ್ರು ಕೀಳ್ ಜಾತಿಯವ್ರು. ದನ ತಿಂತರೈಕಂ. ಅದ್ಕೆ ಮುಡುಸ್ಕಬಾರ್ದು ಅಂದ್ಲು. ಪುಟ್ರಾಜ ಸುಮ್ನೆ ಆದ. ಇನ್ನೊಂದಸ್ಟ್ ದುರ ವಾದ್ಮಾ ಲ ಅಲ್ಲಕಕ್ಕೆ ಈ ಸಾಬ್ರುವ ದನ ತಿಂದಾರಂತಲ್ಲ, ಮಂತ ನುರ್ನುವ, ಪಾಯಿಸ್ನುವ ಬಾವಿ ಮುಡುಸ್ಕಾತರಲ್ಲ ಅದ್ಯಾಗ್ಯ? ಅಂದ. ಕಮಲಾಕ್ಸಿಗ ಯನು ಮತಾಡಕಾಗ್ನಿಲ್ಲ. ಅಂ ನಿನಗ್ಯಾರ್ ಮತ್ಕೊಡಕ್ಕಾದ್ದು ನ್ಯಡ್ಯಪ್ಪ ಅಂದ್ಲು. ಇನ್ನೇನು ಮತಾಡ್ನಿಲ್ಲ. ಪುಟ್ರಾಜ್ನುವೀ ಇನ್ನೇನು ಕೇಳ್ನಿಲ್ಲ. ಈವತ್ ರಾತ್ರುಗ ಇಸುಲ್ ಮನ ಇಂದ ಕಡ್ಡಿತ್ವಾಟ್ದಲ್ಲಿ ಇವ್ರಿಬ್ರು ಯನ್ ಮಡೀರು ನೋಡೇ ಬುಡ್ಬೇಕು ಅಂತ ಂಚ್ನ ಮಡ್ಕಂಡು ನ್ಯಡತಿದ್ದ ಅಸ್ಟೋತ್ಗ ತಿರ್ಗ ನುರು ಸೈಕಲ್ಮಲ ಬಂದು ಬ್ರೇಕಿಡ್ದ. ಅಂವಾ ಬ್ರೇಕಿಡ್ದ್ ರಬುಸ್ಕ ಟೈರು ಜ್ವರ್ನ ನ್ಯಲ ಉಜ್ಕಂಡು, ನುರುನ್ಗ ಸಾಪ ಆಕ್ಕಂಡು ಅಳ್ತ ನಿಂತ್ಗತ್ತು. ನುರು ನೆಗ್ತ ಮರಬ್ಯಾಡ ವಂಬತ್ ಗಂಟೈ ಅಂದ. ಕಮಲಾಕ್ಸಿ ಆಯ್ತು ವೋಗು ಅಂತ ಪಿಸ್ಗುಟ್ಟುದ್ಲು. ನುರು ವಂಟೋದ. ಪುಟ್ರಾಜ ಉಸ್ನೆಗ ನೆಗ್ತ ಊರುಗ್ ಬಂದ.
ಪುಟ್ರಾಜ ಅಟ್ಟಿತಾವ್ಕ್ ಬಂದೇಟ್ಗೆ ಪುಟ್ಟಕ್ಕ ವೋಡ್ಬಂದು ಚಲುಗ ಇಳಿಸ್ಕಂಡು ನೀಯಕ್ ನೀರ್ ತರಾಕ್ವೋಗಿದೈ ನನ್ಕಂದ ನೀನು ಸರಿಕಪ್ಪ ಅಂದ್ಲು. ಅಯ ಕಮಲಾಕ್ಸಕ್ಕ ಕರ್ಕಂಡೋಗಿದ್ಲು ಕಮೈ ಅಂದ. ಅಯ ಅವ್ಳ್ ಜ್ವತಲ್ಯಾಕಪ್ಪವೋಗಿದೈ ಅಂದ್ಲು ಪುಟ್ಟಕ್ಕ. ಯಕ ಅವ್ಳ್ ಜ್ವತಲ್ಯಾಕೋಗ್ಬಾರ್ದು ಅಂತ ಉಸ್ನೆಗ ನೆಗ್ತ ಕೇಳ್ದ ಪುಟ್ರಾಜ. ಪುಟ್ಟಕ್ಕ ಯನೇಳ್ಬೇಕು ಅಂತ ಗೊತ್ತಾಗ್ದಿಂ ಅವ್ಳು ಸರಿಲ್ಲಕಪ್ಪ ಇನ್ನೊಂದ್ಸತ್ತೋಗ್ಬಾ ಡ ಅಂದ್ಬುಟ್ಟು ಚಲುಗ ತಕ್ಕಂಡು ಬರಬರ್ನಟ್ಟಿವಳಾಕ್ ವಂಟೋದ್ಲು. ಪುಟ್ರಾಜು ಅಲ್ಲಿಂದ ವಾಟಾಕಿತ್ತು ನಾಗಣ್ಣುನ್ ಮನ್ಗೋದ. ಬಾಗುಲ್ನಿಂತ್ಕಂಡು ನಾಗಣೈ ಡೇ ನಾಗಣ್ಣಾ ಅಂತ ಕುಗ್ದ. ಅಂ ಪುಟ್ರಾಜು ಅಂವಾ ನಿನ್ನೋಡಾಕ ಅಂತ್ಲೀಂ ನಿಮ್ಮಟ್ಟಿತೌವ್ಕ್ ಬಂದ್ನಲ್ಲಪ್ಪಾ. ಅಂತ ಮರಕ್ಕಮ್ಮ ಂಳುದ್ಲು. ಸರಿ ಆಗಾರೈ ಅಂದ್ಬುಟ್ಟು ಅಲ್ಲಿಂದ ವೋಡ್ದ.
ನಾಗಣ್ಣ ಕಲ್ಕಟ್ಟಮಲ್ ಕುತ್ಕಂಡು ಎಣೈಕ್ಳ್ ಜ್ವತಲ್ ಸೇರ್ಕಂಡು ಅಣ್ಣಕಲ್ನಾಟ ಆಡ್ತಿದ್ದ. ಅಸ್ಟೋತ್ಗಲ್ಲೀಗ್ ಬಂದ್ ಯಜಮನ್ ಸಿವ್ನಂಜಸೆಟ್ಟಿ ಯರುಡಾ ಅಲ್ಲಿ ಅಣ್ಣಕಲ್ನಾಟ ಆಡುವ್ರು ಈಗ್ಲೇ ಮಳಿಲ್ದೆ ಜ್ವಾಳೆಲ್ಲ ವೊಣುಗ್ತ ಕುತವೈ ಎದ್ದೇಳಿ ಮಕ್ಕೆ ಅಂತ ಅಲ್ಲೇ ಇದ್ದ ವಂಗಮರ್ದಿಂದೊದ್ ಕಡ್ಡಿ ಮುರ್ಕಂಡ. ಎಣ್ಣೆ ಕ್ಳೆಲ್ಲ ಕಲ್ಲ ಗೋರ್ಯಸ್ದ್ಬುಟ್ಟು ಓಡೊಂಟೋದೋ. ನಾಗಣ್ನುವಿ ಬಂದಿಕಾನಿ ಅಟ್ಟಿ ಪೋಣೀಲಿ ಗೂಡ್ಕಟ್ಟಕೈ ಅಂತ ಅಣ್ಣುಳ ಬುಟ್ಟಿದ್ ಚಂದ್ರುಕ್ಗಳ್ ಸಂದೀಲಿ ನುಕ್ಕಂಡು ಬಿದ್ ಸಬಾರಿ ಇಡ್ದ್ಬುಟ್ಟ. ಅಂವಾ ಇತ್ತಿಂದೋಡ್ತಿದ್ರ ಪುಟ್ರಾಜು ಅತ್ತಿಂದೋಡ್ಬತ್ತಿದ್ದ. ಡೇಯ ಎಲ್ಗೋಗಿದ್ದುಡ ನಾನಿನ್ನುಡೀಕಂಡು ನಿಮ್ಮಟ್ಟಿ ತಾವ್ಕೋಗಿದ್ದೀ ಅಂದಾ. ನಾಗಣ್ಣ ನಾನುವೀ ನಿನ್ನುಡಿಕಂಡ್ ಬಂದೀ ನೀ ಇಲ್ದೆದೊತ್ಗ ಎಣ್ಣೆ ಕುಳ್ ಜ್ವತಲ್ ಕುತ್ಗಂಡು ಅಣ್ಣಕಲ್ಲಾಡ್ತಿದ್ದೀ ಸಿವ್ನಂಜಣ್ಣ ವಂಗ ಕಡ್ಡಿ ಮುರ್ಕಂಡು ವಡ್ಯಕ್ ಬಂದ. ಬಿದ್ ಸಬರಿ ವಡ್ಕಂಡ್ ಬಂದ್ಬುಟ್ಟಿ ಅಂತ ಂಳ್ಕಂಡು ಉಸ್ರುಯ್ತಿದ್ದ. ಪುಟ್ರಾಜ ಡೇಯ ಬಾಯ್ಲಿ ಒಂದ್ ಮತ್ಂಳ್ಕೊಟ್ಟಿ ಅಂತ ನಾಗಣ್ಣನ್ನ ಕರ್ಕಂಡು ಇಸುಲ್ ಮನತೌಕ್ ಬಂದ. ಅಲ್ಲಿ ಯರು ಇರ್ನಿಲ್ಲ. ಇಬ್ರು ಬಂದು ಇಸುಲ್ ಮನೈ ಕಿಟ್ಗಿಮಲ್ ಕುತ್ಗಂಡ್ರು. ಪುಟ್ರಾಜ ಯರು ಇಲ್ದೆ ಇದ್ದುದ್ ನೋಡ್ಕಂಡು ನಾಗಣ್ಣುನ ಜ್ವತಲಿ ಕಮಲಾಕ್ಸಿ ನುರುನ್ ಕಾಗ್ದುದ್ ಇಸ್ಯನೆಲ್ಲ ಂಳ್ಬುಟ್ಟ. ನಾಗಣ್ಣನ್ಗ ಇಸ್ಯ ಕೇಳಿ ಕುಸಿಯಗೋಯ್ತು. ನೆಗ್ನಾಡ್ಕಂಡು ಕಣ್ಣೊಡುದ್ಬುಟ್ಟು ಕಿಟ್ಗಿಯಿಂದ್ ಕ್ಯಳಕ್ಕಿಳ್ದು ಬಾ ಅದ್ಯಾನ್ಯಾರು ಆಗ್ಬುಡು ರಾತ್ರುಗ್ ಬರೌಂವ್ ಅಂದ್ಕಂಡು ಯನು ಆಗ್ನೇಯಿಲ್ಲ ಅನ್ಯಾಗೈ ನಾಟ್ಕುದ್ ಪದ ಂಳ್ಕಂಡು ಅಟ್ಟಿದಿಕ್ವಾದ. ಪುಟ್ರಾಜ್ನುವೀ ರಾತ್ರುಗ ಇನ್ನೊಂದ್ ಪಿಚ್ಚೇರ್ ನೋಡ್ಬೆ ದು. ಎಸ್ಟ್ ಬಿರ್ನ್ ರಾತ್ರಾ ದ್ದು ಅಂದ್ಕಂಡು ಅಟ್ಟೀಗ್ ಬಂದ.
ಅಟ್ಟೀಲಿ ಇಟ್ಟುಂಡ್ಕಂಡು ಆಚ ಅಟ್ಟಿಗೋಗಿ, ಆಚ ಅಟ್ಟಿ ಐಕ್ಳ್ ಜ್ವತಲಿ ಅಳ್ಗುಳಿಮನ ಆಡ್ತ ಕುತ್ಗಂಡು ಅವ್ರಟ್ಲೇ ಟೀಕುಡ್ಕಂಡು ಕಾಲ ಕಳ್ದ. ಆ ಸುರ್ಯ ದೇವ್ನುವೀ ಇವ್ನ್ ಆತ್ರ ನೋಡ್ಬುಟ್ಟು ಇವ್ನ್ ಕೆಣುಕ್ಬೇಕು ಅಂತ್ಲೀಂ ದಿನಾ ವೋಯ್ತಿದ್ದುಕ್ಕಿಂತ್ಲುವೀ ನಿದಾನುಕ್ವೋಯ್ತ ಇವ್ನ್ ನೋಡಿ ನೋಡಿ ನೆಗ್ತಿದ್ದ. ಆಚ ಅಟ್ಲಿ ಆಡ್ತಾ ಆಡ್ತಾ ತೊಟ್ಟಿಯಿಂದ ತುರ್ಕಂಡ್ಬಂದ ಬಿಸ್ಲು ಇನ್ನು ಗ್ವಾಡ ಮಕ್ಕ್ ಏರ್ನೆ ಇಲ್ವಲ್ಲ. ಇದ್ಕೇನ್ ಬಂದಿದ್ದು ರೋಗ ಅಂತ ಅದ್ಕ ಸಾಪ ಆಕ್ತಿದ್ದ. ಎಸ್ಟೋ ಒತ್ತುನ್ ಮಲ ಇವ್ನ್ ಸಾಪ ತಗ್ಲಿ , ಬಿಸ್ಲು ಗ್ವಾಡಮಕ್ಕೇರಿ ಏರಿ ಚಿಕ್ದಾಯ್ತ ಆಯ್ತ ಕಡ್ಗೆ , ಮಲೂರ್ ಬ್ಯಟ್ಟುದ್ ಸಂದೀಲಿ ಇನ್ ನೀವ್ ಯನಾರು ಮಡ್ಕಳ್ಳಿ ಅಂತ ಮುಳಿಕತ್ತು. ದಾಸಣ್ಣ ಯಂಡ್ದಂಗ್ಡಿಯಿಂದ್ ಬಂದ. ಕುಡಿಯವ್ರೆಲ್ಲ ಕುಡ್ಕಂಡು ಏನೇನೋ ಪೇಚ್ಗಂಡು ಎದ್ದೊಂಟೋದ್ರು.
ದಾಸಣ್ಣ ಕೈತ್ವಳ್ಕಂಡು ವಳಕ್ ಬಂದು ಲೇಡಿ ಆಕ್ಕಂಡು ಉಣ್ಣಕ್ ಕುತ್ಗಂಡ. ಪುಟ್ರಾಜ್ನುವೀ ಲೇಡೀಲ್ ಬತ್ತಿದ್ ರಿಕಾಡ್ ಕೇಳ್ತ ಇಟ್ಟುಣಕ್ ಸುರುಮಡ್ದ. ಅಂವಾ ಅರ್ದ ಉಣ್ಣ ಅಸ್ಟೋತ್ಗ ಈಗ ಸರಿಯಗಿ ಎಂಟು ಗಂಟೆ ಮುವತ್ತು ನಿಮಿಷ ಅಂತ ಲೇಡಿ ವಳ್ಗ ವಬ್ಳು ವಮ್ಮ ಂಳುದ್ಲು. ಪುಟ್ರಾಜ ಬಿರ್ ಬಿರ್ನ್ ಇಟ್ಟುಣ್ಣಕ್ ಸುರುಮಡ್ದ. ಅಸ್ಟೊತ್ಗ ನಾಗಣ್ಣ ಸಿಳ್ಳ ಆಕದ್ ಕೇಳುಸ್ತು. ಅದಾ ಕೇಳ್ದೇಟ್ಗಿಂ ಪುಟ್ರಾಜ ಅಮಯ ಇಟ್ಸಾಕು ಅಂದಾ. ಎತ್ ಮಡುಗ್ಬುಡಪ್ಪಾ ನಾ ಉಣ್ಕತೀನಿ ಅಂತ ಪುಟ್ಟಕ್ಕ ಅನ್ನಾ ಆಕಕ್ ಬಂದ್ಲು. ಬ್ಯಾಡಕಮ್ಮೆ ನಂಗುಟ ಸಾಕು ಅಂದ. ನಿಂಗೈ ಆಡಕ್ಕಿದ್ಬುಟ್ರಾಯ್ತು ಊಟು ಬ್ಯಾಡ ಯನು ಬ್ಯಾಡ ಅದಾ ಅಂವಾ ಈಚ ಸಿಳ್ ಆಕ್ತ ನಿಂತವ್ನ ನಿಂಗಿನುಟೆಲ್ಸೇರೀದು. ಕತ್ಲೆ ಗೌಂವ್ ಅನ್ನುತ್ತ ಬಿರ್ನ್ ಬಂದ್ಬುಡು ಅಂದ್ಲು. ಊಂ ಅಂದ್ಕಂಡು ಎದ್ದು ತೊಟ್ಟೀಲ್ ಕೈತ್ವಳ್ಕಂಡು ತಪ್ಲ ಅಲ್ಲೆ ಮಡುಗ್ಬುಟ್ಟು , ಬಾಗ್ಲ್ ತಕ್ಕಂಡು ಓಡ್ಬಂದ.
ಇಬ್ರುವ ಕತ್ಲಲೀ ಇಸುಲ್ ಮನತೌಕ್ ಬಂದು, ಈ ಬೇಲಿ ದಾಟ್ಕಂಡು ಕಡ್ಡಿ ವಲ್ದ್ ವಳಕ್ ಬಂದು ಯನು ಮತಾಡ್ದೆ ಅಲ್ಲೇ ಕುತ್ಗಂಡ್ರು. ಅವ್ರ್ ಕುತಿದ್ದ ಜಾಗ್ಕ, ವಲ್ದ್ ವಳಾಕ್ ಬರಕ್ ಬುಟ್ಟಿದ್ ಕನ್ನ , ಊರ್ ಮನ್ಗಳ್ಯಿಂದ ಬತ್ತಿದ್ದ ಚುರು ಪಾರು ಬೆಳುಕ್ಲಿ ಮಂಕ್ ಮಂಕಾಗ್ ಕಾಣ್ತಿತ್ತು. ಇವ್ರ್ ಕುತ್ಗಂಡ್ ಏಡ್ ನಿಮಕೀಂ ಯರೋ ವಬ್ರು ಕನ್ನ ದಾಟ್ಕಂಡು ವಳಕ್ ಬಂದು ಅಲ್ಲೇ ಮುಲಲ್ ಕುತ್ಗಂಡ್ರು. ನುರ್ನಿಂ ಅಂತ ಪಿಸ್ಗುಟ್ದ ನಾಗಣ್ಣ. ನುರು ಏನು ಸದ್ ಮಡ್ದೆ ಆಗೇ ಕುತ್ಕಂಡ. ಕಡ್ಡಿತ್ವಾಟ್ದೊಳ್ಗೆ ಒಂದೇ ರಾಗ್ದಲ್ಲಿ ಕೇಳ್ತಿದ್ದ ಜೀರುಂಡ ಸದ್ದು ಕಿವ್ಗೊಟ್ ಕೇಳುದ್ರ ಮತ್ರ ಕೇಳುಸ್ತಿತ್ತು, ಇಲ್ದಿದ್ರ ಇಲ್ಲ. ಊರೊಳ್ಗ ಗಳ್ಳಾಕ್ತಿದ್ ನಾಯ್ಗಳ್ ಸದ್ದು , ನಾಕೈದಟ್ಟಿಯಿಂದ ಬತ್ತಿದ್ ಲೇಡಿ ಸದ್ದು, ಜನ್ಗಳ್ ಮತು ಯಲ್ಲಾ ಬೆರ್ಸ್ಗಂಡು ಏನು ಅರ್ತಾಗ್ದಿದ್ ಒಂದ್ ಸದ್ದು, ಕಡ್ಡಿತ್ವಾಟ್ದ್ವಳಾಕು ಬತ್ತಿತ್ತು. ಇದ್ದುಕ್ಕಿದ್ದಾಗೇ ಬೇಲಿಯಿಂದ ಸರ ಸರ ಸದ್ ಬಂತು. ಬಂದ್ಲು ಅಂದ ಪುಟ್ರಾಜ. ಅದೇ ಒತ್ಗ ನುರು ಏಡ್ಸತ ಕೆಮ್ದ. ಅಮಲ್ಯಾನು ಇಲ್ಲ. ಬೇಲೀವಳ್ಗ ತ್ವಾಡ ಓಡೋಯ್ತು ಕುಡೇ ಅವ್ಳಿನ್ನು ಬರ್ನಿಲ್ಲ ಅಂದ ನಾಗಣ್ಣ. ಅಸ್ಟೊತ್ಗ ನಂಜುನ್ಗುಡ್ನಿಂದ ನಗ್ರುಕೋಯ್ತಿದ್ದ್ ರೈಲು ಕ್ವಾಣ್ಣೂರುನ್ತೌಂವ್ ಕುಗುದ್ ಕೇಳುಸ್ತು. ವಂಬತ್ಗಂಟ್ಯಾಯ್ತು. ಈ ಲೌಡಿ ಮಗ್ಳು ಇನ್ನು ಬರ್ನಿಲ್ವಲ್ಲಾ ಅಂತ ನಾಗಣ್ಣ ನುರುನ್ಗಿಂತೆಚ್ ಆತುರ್ದಲ್ಲಿ ಗೊಣಗಾಡ್ದ.
ಇಸುಲುನ್ ಮನ ಮೂಲಲಿ ಕಮಲಾಕ್ಸಿ, ಬೇಲಿ ದಾಟ್ಕಂಡ್ ಬಂದು ಒಂದ್ಸತ ಮ್ಯಲ್ಲುಗ್ ಕೆಮ್ಮುದ್ಲು. ನುರ್ನುವೀ ಒಂದ್ಸತ ಸಣ್ಣಾಗ್ ಕ್ಯಾಕುರುಸ್ಕಂಡು ಮಕೆದ್ ನಿಂತ್ಗಂಡ. ಕಮಲಾಕ್ಸಿ ನುರುನ್ದಂಡುಕ್ ಬಂದ್ಲು. ನುರ್ನುವೀ, ಅವ್ಳುವೀ ಏನೋ ಮತಾಡುದ್ದು ಇವ್ರಿಬ್ರುಗು ಸರ್ಯಾಗ್ ಅರ್ತಾಗ್ನಿಲ್ಲ. ಅವ್ರು ಏನೇನೋ ಪಿಸ್ಗುಡ್ತ ಜ್ವತಲೇ ವಳಕ್ ಬಂದ್ರು. ಇನ್ನೊಂದ್ ಏಳೆಂಟ್ ಅಜ್ಜ ಇಟ್ಟಿದ್ರ ಅವ್ರು ಇವ್ರಿಬ್ರ್ ಕುತಿದ್ ಜಾಗಕ್ಕೆ ಬಂದ್ಬುಡವ್ರು. ಆದ್ರೈ ಇಬ್ರುವೀ ಅಲ್ಲಿಂ ಕುತ್ಕಂಡ್ರು. ಅವ್ರ್ ಕುತ್ಗಂಡೇಟ್ಗೀಂ ಇವ್ರ್ಗ್ ಸರ್ಯಾಗ್ ಕಾಣ್ದಾಗಾಯ್ತು. ಪುಟ್ರಾಜ ಯನ್ ಮಡೌ ಅಂತ ಗಾಳೀಲೇ ಮತಾಡ್ದ. ಒಂದ್ ಗಳ್ಗ ಸುಮ್ನಿರು ನಾ ಂಳ್ಕೊಟ್ಟಿ ಅಂದ ನಾಗಣ್ಣ. ಇಬ್ರು ಆಗೇ ಕುತ್ಗಂಡ್ರು. ಒಂದ್ ನಿಮುಸ್ಕಿಂ ಅವ್ರಿದ್ ಜಾಗ್ದಲ್ಲಿ , ಇಪ್ನೆರ್ಲ ಕಡ್ಗಳ್ಗ ದೇವ್ರ್ ಬಂದು ಅಳ್ಳಾಡಕ್ ಸುರುಮಡ್ದೋ. ಅದ್ರಿಂದ್ಗುಂಟ್ಲಿಂ ಅವ್ರಿಬ್ರೂ ಬ್ವಸ್ಸ ಬ್ವಸ್ನೇದ್ತಿರಾದು, ಸ್ಯರ್ಯಾಗಿದ್ ದಿನ ಅಟ್ಟಿ ಅಸ ಂದ್ತಿದ್ದುಕ್ಕಿಂತ್ಲುವೀ ಎಚ್ಚಾಗೇ ಕೇಳುಸ್ತಿತ್ತು. ಆಗ ನಾಗಣ್ಣ ಕುತಿದಾಗಿಂ ಮ್ಯಲ್ಗ್ ಮುಂದುಕ್ತವ್ದ. ಅವ್ನಿಂದೈ ಪುಟ್ರಾಜ್ನುವೀ ತವ್ಕಂಡೋದ. ಕಮಲಾಕ್ಸಿ ಕ್ಯಳ್ಗ ಮನೀಕಂಡವ್ಳ! ಇದ್ದುಕ್ಕಿದ್ದಾಗೆ ನೆಗ್ತಳೈ ಅಳ್ತಳೈ. ಅದಾನೋಡಿ ಪುಟ್ರಾಜುನ್ಗ ಎದುರ್ಕ ಸುರುವಾಯ್ತು. ಡೇ ನಾಗಣ್ಣ ಬಾ ಅಟ್ಟಿಗ್ವಾಗೌಂವ್ ಅಂದ. ನಾವೆದ್ರ ಅವ್ರ್ಗೈ ಗೊತ್ತಾಗೋಯ್ತ ಸುಮ್ಕಿರು ಅಂದ. ಅಸ್ಟೊತ್ಗ ಇಪ್ನರ್ಲ ಕಡ್ಡಿ ಕುಣ್ತ ನಿಂತೋಯ್ತು. ಅವ್ರ್ನಳ್ಳಾಟುವೈ ಕಮ್ಮಿಯಯ್ತು. ವಸಿ ವತ್ತು ನುರು ಅವ್ಳ್ ಮಲಿಂ ಆಗೇ ಮನ್ಗಿದ್ದ. ಕಮಲಾಕ್ಸಿ ಏಳು ಮಕೈ ಅಂದ್ಲು. ನುರು ಮಕ್ಕೆದ್ದು ಚಡ್ಡಿ ಕಟ್ಗಂಡ. ಕಮಲಾಕ್ಸಿ ರವ್ಕ ಗುಂಡಿ ಆಕ್ಕಂಡು, ಸೆರ್ಗಾಕ್ಕಂಡು, ಸೀರ ನ್ಯರ್ಗ್ಯ ಸಮಡ್ಕಂಡ್ಲು. ಕ್ಯಳಕ್ಕಾಸಿದ್ ಪಂಚ್ಯ ತಗ್ದು ವದ್ರಿ ನಡಿಗ್ ಸುತ್ಗಂಡ ನುರು. ಜೇಬ್ನಿಂದ ತಗ್ದು ಅದೇನೋ ಕೊಟ್ಟ. ಅದ್ಕ ಅವ್ಳು ಇನೈದ್ ರುಪಯ ಕೋಡು ನಗುರ್ದಿಂದ ಔಸ್ದಿ ತರುಸ್ಬೇಕು ಅಂದ್ಲು. ತಿರ್ಗ ಕೊಟ್ಟ. ಈಸ್ಕಂಡೇಟ್ಗಿಂ ತಿರಿಕಂಡು ವಂಟೋದ್ಲು. ಅವ್ಳು ವಾದ್ ಮಲೈ ನುರು ಇನ್ನೊಂದ್ ಚೊರಿಂದ ವಂಟೋದ. ಪುಟ್ರಾಜ ನಾಗಣ್ಣುನ್ ಕೇಳ್ದ. ಡೇ ಅವ್ರ್ ಯನ ಮಡುದ್ದು ಅಂತ. ಅದ್ಕ ನಾಗಣ್ಣ ಅವ್ರು ಗಂಡ ಎಡ್ತಿರಾಟ ಆಡುದ್ರು ಕಣಾ ಅಂದ. ಪುಟ್ರಾಜುನ್ಗ ಗಂಡಾ ಎಡ್ತೀರಾಡದ ಇವ್ರಾ ಗಾಡುದ್ರು, ಇವ್ರಿಬ್ರು ಗಂಡ ಎಡ್ತಿರಲ್ವಲ್ಲ ! ಅದು ಅಲ್ದೆ ಅಂವಾ ಸಾಬ್ರಂವಾ ಇವ್ಳು ನಮ್ಮವ್ಳು ಅದ್ಯಾಗಾದ್ದು ? ಅನ್ನ ಕೊರ್ಗು ತಲಲೈ ಉಳ್ಕತ್ತು.
ನಾಗಣ್ಣ ಇವ್ನ್ ಇನ್ನೊಂದ್ ಚೊರಿಯಿಂದ ಕರ್ಕಂಡು ಅಟ್ಟಿದಿಕ್ವಾದ. ಅಟ್ಟಿತಾಂವ್ ಅಜ್ಜಿ ಕಾಯ್ತಿದ್ಲು. ಇವ್ರ್ ಕಂಡೇಟ್ಗಿಂ ಇದೆಲ್ಲಿಗ್ ಕರ್ಕಂಡೋಗಿದೈ ನಾಗಣ್ಣ ಅಂತ ಕೇಳುದ್ಲು.. ನಾಗಣ್ಣ ಕೇಳ್ದೇಟ್ಗಿಂ ಕ್ಯರದಿಕ್ಕೋಗಿದ್ದ ಕಜೈ ಅಂದ. ವೋಗು ಸ್ವಾಮಿ ಅಳನೀರಾಕುಸ್ಕ ಅಂದ್ಲು. ಪುಟ್ರಾಜ ಏನ್ ಮಡ್ಬೇಕು ಅಂತ ಗೊತ್ತಾಗ್ದೆ ಜಗ್ಲಿ ಮಲ್ ಮಡ್ಗಿದ್ ಅಳ ತಪ್ಲ ತಕ್ಕಂಡ. ಅಳ ನೀರಾಕುಸ್ಕಂಡು ಇತ್ಲ್ ದಿಕ್ಕೋಗಿ ತ್ವಳ್ಕಂಡಂಗ್ ಮಡಿ, ಕ್ವಳ್ದಪ್ಲ ತಂದು ಮದ್ಲಿದ್ ಜಾಗ್ದಲ್ಲೆ ಮಡ್ಗಿ ವಳಕ್ ವಾದ. ಅಜ್ಜಿ ತಕ್ಕ ಕೈತ್ವಳ್ಕ ಅಂತ ಕೈಗ ಮನ ನೀರ್ ಆಕುದ್ಲು. ಕೈ ತ್ವಳ್ಕಂಡು ಪುಟ್ರಾಜ ವೋಗ್ ಮನೀಕಂಡ. ಅಂವಾ ಯತ್ತಾಗ್ ತಿರಿಕ್ಕಂಡ್ ಮನೀಕಂಡ್ರುವಿ ಅವುನ್ಗ ಕಮಲಾಕ್ಸಿ – ನುರು ಮಡ್ತಿದ್ದಿಂ ಕಣ್ಣುಗ್ ಕಟ್ದಾಗಿತ್ತು. ನಿದ್ದತ್ದೆ ಬ್ಯಳ್ಗಾನ ವದ್ದಾಡ್ತಿದ್ದ , ಕೋಳ್ಕುಗ ವತ್ಗ ಅವುನ್ಗ ನಿದ್ದತ್ತು.
ವಂಬತ್ ಗಂಟ್ಯಾದ್ರು ಅವುನ್ಗೆ ಎಚ್ಚುರ್ವೇ ಇಲ್ಲ. ಅಜ್ಜಿ ಅವ್ವಾ ಅದ್ಯಾಕ ಸ್ವಾಮಿ ಇನ್ನು ಎದ್ದಿಲ್ಲ ನೋಡು, ಮೇಸ್ಟ್ರು ಬರಾ ವೊತ್ತಾಯ್ತು ಏಳ್ಸು ಅಂದ್ಲು. ಪುಟ್ಟಕ್ಕ ಸ್ವಾಮಿ ಸ್ವಾಮಿ ಅಂತ ಕುಗುದ್ಲು. ಪುಟ್ರಾಜ ಆಂ ಅಂತ ಕಣ್ಣೊಸಿಕಂಡ್ ಎದ್ ಕೂತ. ಏಳಪ್ಪ ಮೇಸ್ಟ್ರು ಬರಾ ವೊತ್ತಾಯ್ತು ಅಂದ್ಲು ಪುಟ್ಟಕ್ಕ. ಪುಟ್ರಾಜ ಎದ್ದು ಕ್ಯರದಿಕ್ವಾಗಾಕ್ ವಂಟ. ಇಸುಲ್ ಮನ ತೌಂವ್ ಕಮಕ್ಸಿ ಸಿಕ್ಕುದ್ಲು. ಇದೇನ ಪುಟ್ರಾಜೈ ಈಗೆದ್ಯ ನೀನು ಸರಿಕಪ್ಪ ಆಸಾಮಿ ಅಂದ್ಲು. ಪುಟ್ರಾಜುನ್ಗ ಅವ್ಳ್ ಮತ್ಗಿಂತ ಅವ್ಳ್ ಮೈಮಲೇ ಕಣ್ಣೋಡಾಡ್ತಿತ್ತು. ಸುಮ್ನೆ ನೆಗ್ನಾಡ್ಕಂಡು ವೊಂಟೋದ.
ಪುಟ್ರಾಜ ಕ್ಯರ ದಿಕ್ಕೋಗ್ಬುಟ್ಟು ತಿರ್ಗ ಅಟ್ಟಿತೌವ್ಕ್ ಬರದ್ರೊಳ್ಗ ಈಡುಗ್ಗೇರಿ ಜ್ವಾಳಬ್ಬ ಯಲ್ರಟ್ಗುವೋಗಿ ಯರ ಬಾವಿಗ ಆವ್ವಡ್ದಾಕ್ಬುಟ್ಟೌರೈ ವತಾರೈ ನುರುನ್ ಚೌರ್ಗ ವಳ್ಗೆ ಸತ್ತಾಂವ್ ಬಂತಂತೈ ಯರಾದ್ರು ಇವತ್ ನೀರ್ ತಂದ್ ಕುಡ್ದಿದರ್ಯ? – ಕುಡ್ದಿರೌರು, ಸಾಸ್ವ ನೀರ್ ಕುಡ್ದು ವಮ್ನ ಮಡ್ಬುಡಿ ಅಂತ ಂಳ್ಕಂಡ್ ಬತ್ತಿದ್ದ. ವತ್ತಾರಿಂ ವೋಗಿ ನೀರ್ ತಂದಿದೌರು ನೀರ ತಕ್ಕಂಬಂದ್ ತಕ್ಕಂಬಂದ್ ಈಚುಗ್ ಸುರುದ್ರು. ವತ್ತಾರಿಂ ವಸ್ನೀರ್ ಕುಡ್ದಿದೌರು, ವಸ್ನೀರ್ಲಿ ಟೀ ಕಾಯಿಸ್ಕಂಡ್ ಕುಡ್ದಿದೌರು, ಗೋಳ್ಗರ್ಕಂಡು ದೇವ್ರ್ಗ ಅರ್ಕ ಕಟ್ಗಂಡು ಸಾಸ್ವ ನೀರ್ ಕುಡ್ದು ವಟ್ಟಾವಳ್ಗಿರದ್ನೆಲ್ಲ ವಮ್ನ ಮಡ್ತಿದ್ರು. ಒಂದ್ ಇಬ್ರು ಮುರ್ ಜನ ಆಂ. ಅಂದ್ಕಂಡು ಗ್ಯಾನತಪ್ ಬಿದ್ಕಂಡ್ರು. ಅವ್ರ್ತಲಮಲ ನೀರ್ತಟ್ ಏಳ್ಸಿ ದೈರ್ಯ ಂಳಿ ಬ್ಯಂಡ್ರೋಡಿ ಮರವ್ವ ಮಲ ಬಾರ ಆಕಿ ದೈರ್ಯತಕ್ಕಂಡ್ರು. ವಸಿ ಜನ ಈಡುಗ್ಗೇರಿಯವ್ರು ಇಂಗ್ ಗೋಳ್ಗರೀತಿದ್ರ ಇನ್ನು ಉಪ್ಪುಲ್ಗೇರಿ ಕ್ವರುಮ್ಗೇರಿಯವ್ರ್ ಬಂದು, ಉರ್ಯ ಬೆಂಕ್ಗ ಉಪ್ಪಾಕ್ದಂಗೈ ಅದ್ಯಾವ್ದ ಊರ್ಲಿ ಬಾವ್ಗ ಆವ್ಬಿದ್ಕಂಡ್ ಸತ್ತು ಆ ಬಾವಿ ನೀರ್ ಕುಡ್ದು ನುರಾರ್ ಜನ ಸತ್ತೋದ್ರಂತೈ ಆ ಮರವೈ ನಮ್ಮೂರ್ಗಾಗ್ ಮಡ್ದಿದ್ರ ಸಾಕು ಅಂತ ರಾಗ ಯಳ್ಕಂಡೋಯ್ತಿದ್ರು.
ಈಡುಗ್ಗೇರಿ ಗಂಡುಸ್ರೆಲ್ಲ ಸೇರ್ಕಂಡು, ಗೋಳ್ಗರೀತಿದೌವ್ರ್ಗ ಸಮದಾನ ಂಳಿ, ಯಲ್ರು ಸೇರ್ಕಂಡು ಬಾವಿನೀರ್ ಕಾಲಿ ಮಡೌಂವ್ ಇಲ್ದಿದ್ರ ನೀರ್ಗೇನ್ ಮಡಾದು ಬನ್ನಿ ಅಂತ ಂಳುದ್ರು. ಈಡುಗ್ಗೇರಿಲಿದ್ ನೀರ್ನಗ್ಗಳು, ಚಲುಗ್ಗಳೆಲ್ಲಾ ಈಚುಗ್ ಬಂದೌ. ಈಡುಗ್ಗೇರಿ ದ್ವಡ್ಡೌರು ಚಿಕ್ಕೌರೆಲ್ಲ ಬಾವಿದಿಕ್ ವಂಟ್ರು. ಆಂ ಃ ಅಂದ್ಕಂಡಿದೌರ್ಯಲ್ರು ದೈರ್ಯ ತಕ್ಕಂಡು ಬಾವಿದಂಡುಕ್ ವಂಟ್ರು. ಕಚ್ಚ ಮೇಸ್ಟ್ರು ಇಸುಲ್ಗ ರಜಾ ಕೊಟ್ಬುಟ್ಟು ಊರ್ಗ ತಿರ್ಗ್ ವೊಂಟೋದ್ರು. ಪುಟ್ರಾಜ ನಾಗಣ್ಣ ಯಲ್ರು ಬಾವಿ ದಂಡುಕ್ ಬಂದ್ರು. ಈಡುಗ್ಗೇರಿ ಗಂಡುಸ್ರೆಲ್ಲ ಬಾವಿನೀರ್ ಸೇದಿ ಸೇದಿ ಈಚುಗ್ ಸುರುದ್ರು. ನೀರ್ಸೇದಕೈ ಅಂತ ಸೈಕಲ್ಮಲ್ ಬಂದ್ ನುರು, ಇವ್ರ್ ದಂಡುಕ್ ಬಂದು ನಾನು ಊರ್ಗೋಗ್ಬೇಕು ಇಲ್ದಿದ್ರ ನಾನು ನಿಂತ್ಗಂಡ್ ಸೇಯ್ತಿದ್ದಿ ಅಂದ್ಬುಟ್ಟು ಉಪ್ಪುಲ್ಗೇರಿ ಬಾವೀಲಿ ನೀರ್ ಸೇಯ್ಕಂಡು ಊರ್ದಿಕ್ಕೋದ.
ಮದ್ದಾಂದಸ್ಟೊತ್ಗ ಬಾವಿ ನೀರ್ ಕಾಲ್ಯಾಗಿ, ನ್ಯಲ ಸಾರ್ಸಕ್ಸುರುವಾಯ್ತು. ಆಗ ಒಂದಿಬ್ರು ಬಾವಿವಳಾಕ್ ಇಳ್ದು, ಸಣ್ ತಪ್ಲಲ್ಲಿ ಮ್ವಗ್ದು ಮ್ವಗ್ದು ಚಲುಗ್ ತುಂಬುದ್ರು. ಅಮಲ ಗಳಾಸ್ಲಿ ಮ್ವಗ್ದ್ ತುಂಬುದ್ರು. ಕಡ್ಗ ಬಟ್ಟಲದ್ದೀ ಅದ್ದಿ ಇಂಡುದ್ರು. ಯಲ್ಲ ಮುಗುದ್ಮಾ ಲ ಮಕ್ಕತ್ತುದ್ರು. ಆಚ ಅಟ್ಟಿ ಪುಟ್ಸಾಮಿ ಬಾವಿಗ್ಯಲ್ಲ ಅರುಸ್ಣ ಕುಂಕುಮ ಇಕ್ಕಿ ಗಂಗಾ ಪೂಜಾ ಮಡ್ದ. ಪೂಜಾ ಪುನಸ್ಕಾರ ಮುಗ್ಯ ಅಸ್ಟೊತ್ಗ ಬಾವಿ ವಳ್ಗ ಒಂದಸ್ಟ್ ವಸ್ ನೀರ್ ತುಂಬ್ಕತ್ತು. ಜ್ವಾಳಬ್ಬ ಅದ್ರ್ವಳಾಕ ಒಂದ್ ಏಡ್ ಸೇರ್ ಸುಣ್ಣ ಸುರ್ದ್ಬುಟ್ಟು ಬನ್ನಿ ವಸ್ನೀರ್ ತುಂಬ್ಲಿ ಇವತ್ತೊಂದಿನ ಇರ ನೀರ್ಲಿ ಸರ್ಮಾಡ್ಕಳಿ ನಾಳಾಕ್ ನೀರ್ ತಕ್ಕಬೈದು ಅಂದ. ನುರ್ ಬರ್ದಿದ್ ಕಾಗ್ದುದ್ ಚುರ್ಗಳ್ ಮಲ ಬಾವಿ ನೀರ್ ಬಿದ್ದು ಯಲ್ಲ ಅಕ್ಸರ್ಗಳು ಅಳ್ಸೋಗಿದ್ದೋ ಆದ್ರ ಪುಟ್ರಾಜುನ್ ಮನುಸ್ಲಿ ಅವೆಲ್ಲ ಅಳ್ಸಕಾಗ್ದಕ್ಸರ್ಗಳಾಗೋಗಿದ್ದೊ !
*****
