ಸಾಮ್ಯ

ಕಣ್ಣು ಸಿಡಿಲಿನ ಮಡಿಲು ದನಿ ಗುಡುಗೋ ತಡಸಲು ಏದುಸಿರು ಬಿರುಗಾಳಿ ಬಸಿರು ಮೊಗದಲ್ಲಿ ಕಾರ್‍ಮಿಂಚು ಮನಸ್ಸಲ್ಲಿ ಕೊಚ್ಚಿ ಹಾಕೋ ಸಂಚು; ಬಂತೋ ಕೋಪ ಎದುರು ನಿಂತೋನು ಬೇಕೂಫ: ಬಂಗಾರಿ ಆಗ್ತಾನೆ ಮಲೆನಾಡಿನ ಮುಂಗಾರಿ. *****

ಬಿಟ್ಟಿದ್ದ ಭರ್‍ಜರಿ ಮೀಸೆ ಮುಚ್ಚಿಹೋಗೋ ಹಾಗೆ ಮುಖ_ ಎಲ್ಲಾ ಅನ್ನೋರು “ಉಗ್ರಪ್ಪ, ಉಗ್ರಪ್ಪ”; ಈಗ ಬೇರೇನೇ ವರಸೆ: ಬೆಳೆಸಿದ್ದಾನೆ ನಖ. ಜನ ಕರೀತಾರೆ “ಉಗುರಪ್ಪ, ಉಗುರಪ್ಪ”. *****

ಗಡಗಡ ನಡುಗಿ ಬತ್ತಲೆ ಮೈಯಲ್ಲಿ ಕೂಲಿ ಹುಡುಗ ಅಂಗಡಿ ಎದುರು ಸತ್ತ; ಎತ್ತಿರಲಿಲ್ಲ ಗಲ್ಲಾ ಪೆಟ್ಟಿಗೆಯಿಂದ ಕತ್ತ. ಒಮ್ಮೆ ಊರಾಚೆ ಹೋದಾಗ ಮಳೆ ಬಂದು ದೂರದ ಬೆಟ್ಟ ಕಂಡು “ನೆಂದ್ಹೊಯ್ತು, ನೆಂದ್ಹೊಯ್ತು” ಅಂತ ಶೆಟ್ಟಿ […]