ಬಿಟ್ಟ ನಿಟ್ಟುಸಿರ
ಸ್ವರ ಸಮ್ಮಿಳಿಸಿ ಸಂ
ಯೋಜಿಸಿ ಮಿಡಿ ಮಿಡಿ
ದು- ಹೂ ಹಾ
ರ ತರಂಗ ಮೀಟುವ
ಕೊಳಲೇ
ನಿನ್ನ ದನಿಯೊಡಲ ಬೇರು
ಬಿಟ್ಟಿರುವುದು ಇಲ್ಲೇ
ಈ ನನ್ನ ಗಟ್ಟಿಗಂಟಲ
ಒಳಪೆಟ್ಟಿಗೆಯಲ್ಲೇ
ಆದರೆ
ನನ್ನೊಳ ಅಬದ್ಧ ದನಿ
ಅಪಶ್ರುತಿಯ ಹದಗೆಟ್ಟ
ಬೇಸರ ಬೇಸುರ
ರಕ್ತತಾರಕಗಳ
ಚೆನ್ನಾಗಿ ಬಲ್ಲ ನನಗೆ ಕೊಳಲೇ
ನನ್ನಿಂದೇ ನೀ ಚಿಮ್ಮಿಸಿರುವ
ಈ ಶ್ರುತಿಬದ್ಧ ಸುಸಂಗತ ಸ್ವರ
ರಾಗ ಸ್ಪಷ್ಟಗತಿ ಶಿಸ್ತನ್ನು
ನಂಬಲೇ ಆಗುತ್ತಿಲ್ಲ!
ಅಂತೆಯೇ ಅನಿಸುತ್ತವೆ
ಅವು ನಿನ್ನವೇ
ಅಯ್ಯೋ ನನ್ನವಲ್ಲ!
*****