ರಕ್ತ ಹಾಲಾಗುವುದಕ್ಕೆ ಕಾಲ ಬೇಕು

‘ಮಸ್ನವಿ’ ರಚನೆ ಮುಗಿಯಲು ಒಂದು ಋತುವಿನಷ್ಟು ತಡವಾಯಿತು
ರಕ್ತ ಹಾಲಾಗುವುದಕ್ಕೂ ಕಾಲ ಬೇಕು

ನಿನ್ನ ಕೃಪೆ ಆಗ ತಾನೆ ಹುಟ್ಟಿದ ಕೂಸಿನ ಹಾಗೆ
ಬರುವತನಕ ರಕ್ತ ಹಾಲಾಗದೆ ಕಾಯಬೇಕು

ವಸಂತ ಬರದೆ ಮೊಗ್ಗುಗಳು ಅರಳುವುದಿಲ್ಲ
ಕಡಲ ಮಧ್ಯದಿಂದ ಅವನು ತೀರಕ್ಕೆ ಬಂದ, ಈ ಕಾವ್ಯ ಚಿಮ್ಮಿತು

ಈ ಮಸ್ನವಿ ಚೈತನ್ಯಗಳ ಒರೆಗಲ್ಲು
ಮಹಾ ಪ್ರಸ್ಥಾನದಂದು ಮತ್ತೆ ಆರಂಭವಾಯಿತು

ಈ ದಿನದಂದೇ ಬುಲ್ ಬುಲ್ ಹಕ್ಕಿ ಗರುಡ ಪಕ್ಷಿಯಾಗಿ ಬೆಳೆಯಿತು
ನಿಗೂಢಗಳ ಬೆನ್ನಟ್ಟುವ ಹದ್ದಾಗಿ ಹಾರಿತು

‘ದೊರೆಯ ಮಣಿಕಟ್ಟೆ ಈ ಗಿಡುಗದ ವಾಸ ಸ್ಥಾನ
ಸಕಲರಿಗೂ ಇರಲಿ ಈ ಬಾಗಿಲಲ್ಲಿ ಶಾಶ್ವತ ಆಹ್ವಾನ
*****